"Urtea ondo amaitu eta gure jendea zoriontsu egiten jarraitu nahi dugu"

Ernesto Valverde Athletic Clubeko entrenatzaileak agerraldia egin du bihar 21:30etik aurrera lehoien eta UD Las Palmasen arteko partidaren atarian. Neurketaren ordutegia gorabehera, ikusleek babestuta sentitzea espero du: "Egia da berandu samar jokatzen dela, baina San Mamesen giro ona egongo dela uste dut, beti dago, eta gure jokoaren bidez datorren jendearekin konektatzeko gai izatea espero dugu, urtea ondo amaitzeko eta haiek zoriontsuak egiten jarraitzeko".

Iragan jardunaldiko garaipen handiaren ostean, talde zuri-gorriak moralez gainezka ekingo dio 2023ko azken hitzorduari. "Gauza horietatik beti saiatu behar da konfiantza hartzen eta ahalik eta gehiena mantentzen. Partida batzuek aurrerantz sendo egiteko puntu hori ematen dizute. Hala ere, erabat ona ez dena ere kudeatzen jakin behar duzu, denok baitakigu futbola oso aldakorra dela. Azken norgehiagoka baino lehenagoko beharrean jarri behar zara. Iaz ere ondo geunden txapelketako momentu honetan. Neurketak aurrera egin ahala, hobetzea da helburua. Bide onetik goaz", azpimarratu du teknikariak.

Azkenik, Valverdek horrela deskribatu du talde kanariarra: "Atletico de Madridek ez dituen beste bertute batzuekin UD Las Palmas ere aurkari garrantzitsua da, denboraldi bikaina egiten ari da eta LaLigako ezustekoetako bat da Girona FC taldearekin batera. Igo berria da, 25 puntu daramatza eta oso ondo jokatzen du. Gainera, oso estilo zehatza du, baloiarekin ausarta da eta gol gutxien jaso dituen bigarren taldea da".