Bultzatu bertako futbola!
Bultzatu bertako futbola!
Hitzartutako 86 klub, lehen edizioan baino 67 gehiago, martxoaren 23ko eta 24ko II. Euskal Non-League Day-ra atxiki dira
Euskal Non-League Day prestatzeko lanak aurrera doaz eta dagoeneko badakigu zenbat hitzartutako klub atxiki diren datorren martxoaren 23 eta 24an ospatuko den bigarren edizio honetan: 86, hau da, klub ez profesionalen aldeko ekimen honen estreinaldian baino 67 gehiago. Athletic Clubek “Bultzatu bertako futbola!” leloa aukeratu du ekitaldia sustatzeko, eta horrela irakur daiteke horretarako diseinatutako karteletan.
Kartelekin batera, hitzartutako 86 klubek Athletic Clubek antolatutako zozketetarako txartelak jaso dituzte, formakuntza futbolari babesa eta esker ona adierazteko asmoz. Txartel horiek saltzeagatik hitzartutako klubek bildutako diru guztia eurentzat da. Txartelaren prezioa 3 €-koa da eta jokoan dauden hiru sariak honako hauek dira:
- Sarrera bikoitza, bi lagunentzako bidaia eta egonaldia gizonezkoen lehen taldearekin batera San Mamesetik kanpo jokatuko den LaLigako partida batera.
- Sarrera bikoitza Lions Experience bizi ahal izateko San Mamesen jokatuko den LaLigako partida batean, eta horrekin sartzen da VIP eraztuneko eserlekuak, welcome pack-a, eta futbolarien etorrera barrutik bizitzeko estadioan sartzea, soropilean bertan jokalarien beroketa ariketak ikustea eta partida amaitzean lehoi batekin topaketa izatea.
- San Mameseko partida baterako sarrera bikoitzak. Zozketatuko dira hitzartutako klub parte-hartzaileen zelai bakoitzean. Zozketa partiden atsedenaldian egingo da, txartel sorta bakoitzari dagozkion zenbakien zerrenda bakarrik kontuan hartuta, hitzartutako klub bakoitzak bere zozketa egin ahal izan dezan. Irabazleak zelaian egon beharko du saria jasotzeko.
Gainera, tokiko zelaietara joatea sustatzeko, Athletic Clubek gizonezkoen lehen taldeak sinatutako kamiseta bat, emakumezkoen lehen taldeak sinatutako kamiseta bat eta LaLigako partida baterako bi sarrera zozketatuko ditu martxoaren 23an eta 24an Twitter, Instagram, TikTok edo Facebooken #EuskalNonLeagueDay traola erabiliz oinarri-futboleko partida batean argazki bat partekatzen duten pertsona guztien artean.
II. Euskal Non-League Day txapelketako 86 klubak
Hauek dira II. Euskal Non-League Day txapelketan parte hartuko duten 86 klubak, eremu geografikoaren arabera sailkatuta:
- Aiaraldea: ALTZARRATE LAUDIO KE, AMURRIO CLUB, CD LAUDIO SAN ROKEZAR
- Arabako Errioxa: SD OYONESA
- Arratia: CD ARRATIA
- Bilbao: ARTXANDAKO MERTXETARRAK KK, BILBAO ARTIZARRAK FK, SD DEUSTO, CD ELORRIETA KE, CDF IBARREKO, SD INDAUTXU, SD ITURRIGORRI, UD LA MERCED, CD LA SALLE, SD MORAZA, CD OTXARKOAGA, SD SAN IGNACIO, ZAZPI LANDA KT, ZORROTZA FC
- Busturialdea: BERMEO CLUB, SD GERNIKA CLUB, AD LUMO
- Donostia: ANTIGUOKO KE
- Durangaldea: SD AMOREBIETA, BIAK BAT KK, DURANGOKO SAPUHERRIAK, CD ELORRIO, IKAS TXIKI, LAUAXETA IKASTOLA
- Enkarterri: CA ARANGUREN, BALMASEDA FC, CD KARRANTZA, CD MENÉS, SODUPE UC, SOPUERTA SPORT, ZALLA UC
- Ezkerraldea: SPORTING DE LUTXANA, GURUTZETA KFT, ASTI LEKU CLUB, DINAMO SAN JUAN CF, IKHOBA KK, PAULDARRAK FKT, PEÑA ATHLETIC SANTURTZI CF, PORTUGALETE CLUB, SANTURTZI, SESTAO RIVER CLUB, UNION SPORT SAN VICENTE CLUB
- Gasteiz: ADC ABETXUKO, IKASTOLA OLABIDE, CD LAKUA
- Hego Uribe: SD ARIZ, CD BASCONIA, ETXEBARRIKO URDIN-GORRI FT, INDARTSU CLUB, CD MONTEFUERTE, CD PADURA, CD SAN ANTONIO, CD SAN MIGUEL, CD UGAO
- Iparralde: HIRIBURUKO ST. PIERRE
- Lea Artibai: ARTIBAI FT, AURRERA ONDARROA KE
- Meatzaldea-Zona Minera: ABANTO CLUB, CD LA ARBOLEDA, CD ORTUELLA, JD SOMORROSTRO
- Mungia: CD MUNGIA
- Nafarroa: MULIER FCN, CD OBERENA, CD PAMPLONA, UDC TXANTREA
- Txorierri: CD DERIO, CD SONDIKA, CD URITARRA, SD ZAMUDIO
- Uribe Kosta: ARENAS CLUB, BARRIKA FE, SD ERANDIO, ERANDIOKO BETIKO NESKAK FKE, GAZTELUETA CF, CD GETXO, SD LEIOA, LEIOAKO EMAKUMEAK SFKE, SD NEGURI, SD PLENTZIA, URDULIZ FT