Derbia unerik gozoenean Reale Arenan
Derbia unerik gozoenean Reale Arenan
Athletic Clubek Realaren aurka jokatuko du bihar, 18:00etan, Donostiako futbol-zelaian
Liga F-ek 21. jardunaldira iritsi da eta, horrekin batera, Realaren eta Athleticen arteko euskal derbia. Zuri-gorri taldeak bere joko eta emaitza unerik onena bizi du eta hitzordu berezi honetara lau garaipenekin iritsi da. Betisi eta Valentzia CFri Lezaman irabazi ondoren eta Levante UD etxetik kanpo irabazi ostean, David Aznarren taldeak sailkapenean gora egiten jarraitu nahi du. Horregatik, Atletico de Madrid kanporatu eta Kopako finalerako txartela lortu zuen Realari gailendu nahi dio biharko norgehiagokan: Reale Arenan.
Bi taldeak une onean eta gogotsu helduko dira hitzordura. Gertuko aurrekarien arabera, lehoiak denboraldi honetan aurrez aurre egon diren bi aldietan gailendu dira. Lehenengoa, EH Kopako finalean, Lezaman, udako partida batean, non zuri-gorriek 4-2 irabazi zituzten txuriurdinak. Liga F-en, lehen itzulian eta baita Lezaman ere, Athleticek Nerea Eizaguirreren gola irauli eta 2-1 irabazi zuen Azkonaren eta Jone Amezagaren golei esker. Iaz, Reale Arenan ere, bilbotarrek puntu ona eskuratu zuten partida berdindu batean.
Aurkari zuzenak taulan
Topaketa berezia izango da, euskal emakumezkoen futbolaren erakusleiho handia eta sailkapenaren erdialdean lurra jartzeko aukera ona izango da. Lehoiek, zazpigarren postuan (32 puntu), lau puntuko aldea ateratzen diete donostiarrei, eta gora begiratu nahi dute, David Aznarrek zioen bezala, "goian dauden aurkari guztiak harrapatzen saiatuko gara". Seigarren postuan Sevilla dago puntu bakar batekin. Realak, bestalde, otsailaren 4tik ez du liga irabazten, Ipuruan 0-2 SD Eibarri irabazi ostean, F Ligako beste euskal derbian.
Kontuan hartu beharko da Natalia Arroyok oraindik ere duen golegile nordikoak. Jensenek, finlandiar internazionalak, 10 gol sartu ditu Franssi norvegiarraren 7 golengatik. Nerea Eizaguirre kapitainaren talentua, Amaiur Sarriegiren golerako usaimena eta Elene Leteren ate barruko talentua ahaztu gabe. Athletic ilusioz eta anbizioz helduko da euskal derbira, Reale Arenan pizgarri ugari aurkeztuko dituen arratsalde honetan.