"Hazteko aukera handi baten aurrean gaude"

Athletic Clubek eta Real Betisek F Ligako 9. jardunaldian elkar ikusteko ordu eskas falta direnean, David Aznarrek agerraldia egin du hedabideen aurrean. Athleticeko entrenatzaileak atzean utzi nahi du Valencia CFren aurkako berdinketa, etxekoen azken partidan, eta garaipen bat dastatu: "Ilusioa pizteko moduko taldea dugu. Bihar egun garrantzitsua da, garaipenarekin berriro topo egin nahi dugulako, 15 egun barru etorriko zaiguna gogoan izanda ere", esan du entrenatzaileak.

David Aznarrek badaki taldea ez dela sentsazio onenekin elikatzen, eta ez dela hasieratik amaierara arte neurketak zuzentzen ari: "Tenerifen ondo aritu ginen, batez ere hasieran, baina gero argudioak falta izan zitzaizkigun", gogorarazi du. Gainera, entrenatzaileak esan duenez, "talde gazte bat garaipen giroan dagoenean errazagoa da dena jariatzea. Uste dut hau guztia ona dela taldearen hazkunderako, nahiz eta begirada negatiboarekin begiratzen diogun, agian emaitza hobeagoren bat espero genuelako. Berriro garrantzitsu sentitzeko asmoz gaude. Hazteko aukera bat da. Une hauetan, sentsaziorik onenak izan ez arren, lehian jarraitzen dugu".
 

Joseba Aguirre Lezamara itzuliko da Betisen eskutik

Real Betisen aurkako norgehiagoka 16:00etan hasiko da Lezamako 2. zelaian. Aurkariaren aulkian Joseba Aguirre izango da, Lezamara itzuliko dena Athleticeko jokalari ohia izan ondoren, emakumezkoen taldeko entrenatzailea 2016an liga irabazi ondoren eta emakumezkoen kirol zuzendaria izan ondoren. Aznarrek keinu bat izan nahi izan du berarekin, eta zaleek merezi duten maitasunarekin har dezaten eskatu du: "Oso pertsona garrantzitsua izan da Klubeko emakumezkoen sekzioan, eta polita izango litzateke aitortza hori izatea".

Andaluziarrei dagokienez, Athletic Clubeko entrenatzaileak bere irregulartasuna azpimarratu du, baina egia da ligako azken bi jardunaldiak irabazita, horrek sailkapenaren behealdetik irtetea eragin die eta lasaitasuna eman die: "Kopan kanporatuak izan dira, kanporaketa zaila eta Coruñara bidaia luzea izan baitituzte. Galtzeko ezer ez duen talde baten zain gaude, azken bi jardunaldiak irabazi izanaren lasaitasunarekin baitator. Partida ona egin eta hasieratik menderatu nahi dugu", amaitu du.