“Gelditzen diren 9 puntuak lortzen saiatuko gara"

Javi Lerga Athletic Clubeko teknikariak komunikabideak aurkeztu ez diren prentsaurrekoa eskaini du Lezaman. Biharko partidaren, Liga F-ko 28. jardunaldiaren, bezperan, Deportivo Abancaren aurka Oguizaren (txartelen pilaketagatik) eta Zubietaren (giharretako minarekin) bajak izango dituztela baieztatu du teknikariak.

“Granada CF-ren aurka gehiago merezi genuela sentitu genuen eta gelditutako baloiak zigortu egin gintuen”, aipatu du duela bi aste Lezaman talde andaluziarraren aurka izandako porrotaren inguruan. Neurketa gogorra izan zen, eta taldeak zapore txar hori Palamosen FC Badalona Women taldeari 0-1 irabazi ostean kendu zuen "Berregin egin ginen eta taldeak partida oso osoa jokatu zuen. Topaketa erabakita utz genezakeela uste dut", azaldu du Lergak.

Bihar sailkapeneko hamabigarren postuan eta 27 puntu dituen Deportivo Abanca talde galiziarrak bisitatuko du Lezamako zelaia. Coruñakoek hiru jardunaldi daramatzate irabazi gabe. "Norgehiagoka zaila izango dugu Deportivo Abancaren aurka, azken jardunaldietan bere joko modua zertxobait aldatu baitu. Baloia izaten saiatzen dira eta goian arriskutsuak dira", esan du nafarrak galiziarrei buruz.

"Denboraldiko azken jardunaldietan murgilduta gaude, eta babestuta sentitu nahi dugu garaipen hau lortzeko. Gelditzen diren bederatzi puntuak lortzen saiatuko gara", esan du Javi Lergak.