Munduko lau txapeldun berri

Unai Simon, Aymeric Laporte eta Nico Williams, Luis de la Fuenteren gidaritzapean, munduko txapeldun atera dira Espainiako selekzioak Messiren Argentinari irabazi ostean. 2010eko Munduko Txapelketan Fernando Llorentek eta Javi Martinezek lortu zuten mugarri historikoa. Beraz, oraina edo iragana zuri-gorria duten sei futbolarik lortu dute futbolaren gailurrera heltzea, munduko txapeldunak izatea!, eta harro eraman dituzte #UniqueInTheWorld klub baten izena eta balioak munduko bazter guztietara.

Unai Simon, Aymeric Laporte eta Nico Williams lehoi txapeldun berriak, gainera, Athletic Clubeko harrobiko jokalariak dira, eta euren nazioarteko kirol-ibilbide arrakastatsuek Lezaman dute jatorria.

Hamaikako ideala eta Luis de la Fuenteren zigilua

Aipatzekoa da Unai Simonek, Aymeric Laportek – titular eztabaidaezinak eta Munduko Txapelketako hamaikako idealaren parte – eta Nico Williamsek – lesioengatik baldintzatua, baina garrantzitsua ere – jokatu duten papera, Luis de la Fuentek Espainiako selekzioari inprimatu dion zigiluari esker, zigilu hori ezinbestean markatuta baitago – Luisek berak behin baino gehiagotan aitortu duen bezala – iragan zuri-gorriagatik. Izan ere, De la Fuente Ligako eta Kopako txapelduna izan zen Athleticekin 83an eta 84an (bikoa), eta entrenatzaile gisa trebatu zen Lezamako beheko mailetan.
 

Futbolarien profilak baldintzatutako alde teknikoetatik haratago, Luis de la Fuenteren hautaketaren ezaugarri nagusia taldeko jokoa izan da, taldearen garrantzia piezak beti egokitzen diren osotasun gisa. Athletic Clubek 128 urtez Euskal Herrian jaiotako edo bertan hezitako futbolariekin bakarrik jokatuz futboleko elitean arrakastaz irauteko izan duen printzipio bera.

Athleticek Aitor Karanka ere zoriondu nahi du, lehoi ohia eta egun Espainiako selekzioko garapen zuzendaria, bai eta Toscana Viar, Espainiako nutrizionista, denboraldi honetara arte Athleticen ere elikadura arduraduna izan dena.

Beste sei lehoi Europako txapeldun

Mugarri historikoari – Athletic Clubentzat esan nahi duen aintzatespena dela eta – sei zuri-gorri dagoeneko munduko txapeldun izan dira, eta beste sei – horietako lau errepikatu dute garaipena – Europakoak izatea lortu dute ere: Jose Angel Iribar, Javi Martinez, Fernando Llorente, Unai Simon, Dani Vivian eta Nico Williams