Madrid CFF B - Athletic Club B

Athletic Clubeko bigarren taldeak 1-2 irabazi dio Madrid CFF B-ri luzapenean Sara Ortegaren eta Ainhize Arana C taldeko jokalariaren golei esker. Neurketa penaltietara iristetik gertu egon zen, baina aurrelariaren gol bati esker Rober Pampinen taldeak mailari eutsi zion eta datorren denboraldian Primera RFEF txapelketa jokatuko du. Aldi berean, C taldeak Segunda RFEF-era ere egin dezake jauzi. Garaipen historikoa eta emakumezkoen harrobi zuri-gorriaren beste aurrerapauso bat.

Hasierako minutuetan tentsioa eta bi taldeen arteko errespetua nabaritu ziren berdegunean. Biek baloian nahi zuten, baina gehienetan ez zuten lortzen aurkariaren areara hurbiltzea. Lucia Pardok, etxeko taldeko pitxitxiak, lehen jaurtiketa izan zuen geldikako jokaldi batean, baina Paula Estebanek estutasunik gabe ekidin zuen gola. Hidrataziorako etenaldiaren ondoren, Clara Pinedo atezaina ezustean harrapatzen saiatu zen Amaia Martinezen lapurretaren ondoren, baina baloia gora joan zitzaion eta madrildarrek Lucia Pardoren saiakera batekin eta Paulinek buruz egindako erremate batekin erantzun zuten. Urzainquik markagailua irekitzeko aukera paregabea ere izan zuen, baina bere errematea aurkariaren atezainaren eskuetara joan zen. Partida berdinduta iritsi zen atsedenaldira eta dena erabakitzeke zegoen.

Berdintasuna nagusi

Aldageletatik igaro ondoren, Urzainqui berriz ere protagonista izan zen, gutxigatik desbideratu zen beste jaurtiketa batekin. Vicky saiatu zen ondoren Madrid CFF B-rentzat gola lortzen, baina bere jaurtiketa langa gainetik joan zen. 53. minutuan iritsi zen abagune argiena Rober Pampinen neskentzat Eider Aranak korner bat errematatu eta defentsa madrildarrak gol lerro berean ateraz. Madrilgo filialak beste behin erantzun zuen, baina Paula oso serio aritu zen neurketa guztian zehar, eta epaileak Clara Pinedori gol bat baliogabetu zion jokoz kanpo zegoelako. Norgehiagoka erritmoa hartzen ari zen eta aukera gehiago zeuden.

Madrid CFF B-k minutu onak izan zituen 70.era gerturatuz, Vickyren bitartez beti arriskutsua sortuz, baina Paulak geldiketa bikainak egin zituen. Bero itogarria freskatzeko bigarren etenaldiaren ondoren, Sara Ortega urrutitik saiatu zen, baina atezainak ez zuen arazo handirik izan. Vickyk, Madrid CFF taldeko lehen taldeko ohiko jokalari batek, baloia zutoinera bota zuen azken minutuetan. Pampinen neskak bizirik iritsi ziren arauzko minutuen amaierara eta kanporaketa luzapenera zihoan.

Ainhize Aranak ia azken minutuan erabaki du

Luzapenean, Sara Ortegak eskuinetik egindako jaurtiketa batekin ireki zuen markagailua, baina bi minutu geroago epaileak aurkako penaltia adierazi zuen eta Vickyk 1-1ekoa lortu zuen atsedenaldiaren atarian. Bigarren zatian, nekeak eta tentsioak eraginda, zuri-gorriek aukeraren bat izan zuten, baina ez zuten zehaztu. Vicky eta Lucia Pardo izan ziren Madril CFFren arriskurik handiena.

Harrobiko jokalari batek izan behar zuen, C taldearekin fitxa duena, Ainhize Arana, neurketa erabaki zuena. Aurrelariak areaz kanpotik egindako jaurtiketa indartsuak zutoina jo eta sareetara sartu zen. Sufrituta, baina garaipena Bilbora joan zen, eta horrela taldeak datorren denboraldian Primera RFEF maila jokatzeko txartela lortu du. Gainera, Pampinen nesken lan bikainari esker, Emakumezkoen C taldea Segunda RFEF Mailara ere igo da. Athletic Clubek datorren denboraldian bere hiru taldeak emakumezkoen futbolaren gorenean izango ditu. Harrobiaz harro. Zorionak neskak!