Sporting Huelva - Athletic Club
Jardunaldia 14
Liga F

Sporting Huelva - Athletic Club

Sporting Huelva
Sporting Huelva
03
Athletic Club
Athletic Club
  • Erika V. 45'
  • Lucía García 52'
  • Y. Corres 79'

KokapenaLa Orden , Huelva

Garaipena 2019. urtea bikain bukatzeko

Zuri-gorriek lehen zati kaskarra egin arren, bigarren zatian hobetu eta 0-3 gainditu dute Sporting Huelva, urteko azken partidan

undefined

Athletic Clubeko emakumezkoen lehen taldeak ezin hobeto bukatu du 2019. urtea, gaur arratsaldean Huelvako Sportingen aurka 0-3 irabazita. Guztira 23 puntu lortu ditu eta bost jardunaldi egin ditu jarraian galdu gabe. Angel Villacamparen jokalariek bi bertsio erakutsi dituzte norgehiagokan zehar. Lehen zatian Huelvako taldea izan da nagusi, baina Peace Efihek bigarren txartel horia ikusi du 40. minutuan eta aurkariak bat gutxiagoarekin gelditu dira.

Lehen minutuak nahiko zalantzagarriak izan dira Athleticentzat. Ez dira zelaira ondo egokitu, ezta baldintza zailetara ere, haize-bolada oso gogorrekin. Zuri-gorriek sufritu egin dute Huelvakoen erasoekin. Andere Leguina, denboraldi honetan bere lehen partida jokatu duena, oso seguru ibili da iritsi zitzaizkion baloietan. Partida oso bestelakoa izan zitekeen Tanakak 11 metroetatik asmatu izan balu, Oihaneren eskuarekin area barruan egindako penalti batean. Andaluziarrek abagune arriskutsuak edukitzen jarraitu dute.

40. minutuan, epaileak Peace Efih kanporatu du, eta horrek aukera eman die lehoiei berdegunean luzateko. Azkonak eskuin hegaletik egindako jokaldi batean, Erikak baloia sareetara bidaltzeko adina luzatu ahal izan du. Atsedenaldira 0-1ekoarekin iritsi dira zuri-gorriak.

Bigarren zatia hasi eta gutxira, Lucia Garciak aldea handitu du Azkonaren jokaldi eder baten ondoren, eta Yulema Corresek 0-3koa sartu du 78. minutuan. Bigarren zati osoa gutxiagorekin jokatzearen nekea sufritu dute onubenseek, eta zuri-gorriak gogor saiatu dira Huelvan hiru puntuak eskuratzen.

Urte amaiera ezin hobea izan du Athleticek. Gabonetako etenaldiaz gozatu eta urtarrilaren 5ean urteko lehen partida San Mamesen jokatuko dute lehoiek, Bartzelonaren aurka.