CD Badajoz - Bilbao Athletic

Bilbao Athleticek porrota jaso du Badajozen. Lehoikumeek, merituak egin dituzten arren, ezin izan dute erantzun Gorka Perezek egindako golari. Patxi Salinasen taldeak emaitzen bolada onari agur esan dio eta bost partida geroago galdu du berriz ere.

Lehen zatia parekatua izan da bi taldeen artean. Bilbao Athleticek aukeraren bat izan du Pascualen eta Artolaren oinetan, baina, egia esateko, defentsak izan dira lehen berrogeita bost minutuetako protagonistak. Nabarmentzekoa da Agirrezabalaren geldiketa Gorka Santamaria lehoikume ohiaren saiakerari. Aurrelaria biziki saiatu da gaurkoan.

Bigarren zatian, lehoikumeek markagailua irekiko zuen golaren bila bultzatu zuten. Paredesek gure bigarren taldeko argiena izan du, bere errematea atezaina gainditzeko zorian egon da, baina Crettazekin topo egin du. Bilbao Athletic ondo moldatzen saiatu da Nuevo Viveron proposatutako kolpe trukean eta borroka horretan etxeko taldea izan da garaile. Isaac Joveren taldea 70. minutuan aurreratu da, Gorka Perezek area barruan baloi bat aurkitu eta Agirrezabala azpitik gainditu duenean. Patxi Salinasek aulkia mugitu du konponbide bila eta azken txanpan estutu arren, bere mutilek ez dute golaren bidea aurkitu. Datorren astean CD Calahorrak Lezamara egingo duen bisitarekin puntuak berriz pilatzeko aukera berri bat izango dute gure gazteek.