Iñaki Saezek 77 urte bete ditu

Gaur 77 urte bete ditu Iñaki Saezek, berdegunean jokalari gisa eta entrenatzaile gisa Athleticeko protagonista izan den lehoietako batek. Bilbotarra partida ofizialean elastiko zurigorri gehien jantzi duen jokalarietako bat da (338 neurketa 13 denboralditan), eta gainera aulkietan entrenatzailea izan da 18 denboralditan, lehen taldean (107 partida) edo gure oinarrizko futboleko taldeetan.

Jokalari bezala, Saez Athleticera joan zen 1962an Barakaldotik. Irailaren 16an egin zuen debuta. Bere lorpenen artean, bi Kopa nabarmentzen dira, 1969an eta 1973an, azken honetan, kapitaina izanik, garaikurra jasotzeaz arduratu zela. 69. urteko tituluak, bere hitzetan, “gure belaunaldia aldatzeko balio izan zuen. Gugan sinesten hasi ginen”. Saez, eskuin hegaleko atzelaria, bere abiadura eta kokapenagatik ezaguna zen, baita bere erdiraketengatik ere, hondoko lerroraino iritsiz. 8 gol sartu zituen zuri-gorriz jantzitako denboraldietan.

Erretiratu ondoren, Athleticek gazteen taldearen ardura hartzea eskaini zion, aulkietan lan handia eginez, 80ko hamarkadan txapeldun izan ziren jokalari gehienak euren taldeetatik lehenago igaro baitziren. Saez Lezamako koordinatzaile izatera iritsi zen eta Bilbao Athletic hainbat alditan entrenatu zuen: 1976-1980, 1982-83, 1987-1991. Urte haiek direla eta, Bilbao Athleticen historian partida gehien entrenatu dituen entrenatzailea izan da (290, 8 denboraldietan).

Lehen taldeko entrenatzailea izan zen hiru alditan. Lehenengoan, Senekowitsch ordezkatuz 1980-81 denboraldian, taldea zazpigarren postuan utzi zuen ligan. Ondoren, 1985-86 denboraldian, bere posturik onena lortu zuen, UEFArako sailkatuz, Javier Clementeren ordez. Azken etapan (1990-91) taldearen jaitsiera saihestu zuen, taldea egoera zail batean zegoela kargua hartu ondoren.