Jon Morcillo goleatzaile gisa estreinatu da

Jon Morcillo atzo estreinatu zen goleatzaile gisa, Valladoliden aurka, partida ofizialean. Denboraldi honetan 32 partida jokatu ostean (26 ligan, lau Kopan eta bi Superkopan), zornotzarra denboraldi honetan debuta egin eta gol bat sartu duen lehen harrobiko jokalaria da.

Lehoi gazteak area kanpotik egindako ezkerkada batekin aurreratu zuen Athletic 14. minutuan, markagailuan 1-0ekoa jarriz. Bigarrena egiteko aukera izan zuen ere bere estreinaldi golegilean, baina Masipek bere bolea ederra gelditu zuen korner baten irteeran, 31. minutuan. 22 urteko jokalariak partida bikaina jokatu zuen Valladoliden aurka eta Lehen Mailako bere gol-sorta ireki zuen San Mamesen.

Hegaleko jokalaria denboraldi honetako lehen debuta izan zen, lehen taldearekin jokatu zuen 623. lehoia. 2020ko irailaren 12an estreinatu zen, Gaizka Garitanoren eskutik, Granadaren aurka, LaLiga honetako lehen jardunaldian, eta norgehiagokako 90 minutuak jokatu zituen.

Aurreko denboraldian, oraindik 2.B mailan, Amorebietakoak 29 partida jokatu zituen Bilbao Athleticekin eta 10 gol sartu zituen.

LaLiga 2020-21eko goleatzaileak

• Alex Berenguer – 8 gol
• Raul Garcia – 5 gol
• Iñaki Williams – 5 gol
• Iker Muniain – 5 gol
• Asier Villalibre – 4 gol
• Unai Lopez – 3 gol
• Ander Capa – 2 gol
• Oihan Sancet – gol 1
• Yeray Alvarez – gol 1
• Unai Nuñez – gol 1
• Oscar de Marcos – gol 1
• Yuri Berchiche – gol 1
• Iñigo Martinez – gol 1
• Jon Morcillo – gol 1
• Kenan Kodro – gol 1 (*utzita Valladoliden denboraldi amaierara arte).