Honelako istorioengatik (IV): Gurpegui & Nekane

Athletic Clubek “Honelako istorioengatik” sailaren laugarren eta azken bideoa argitaratu du, martxoaren 23 eta 24an ospatuko den Euskal Non-League Day ekimenaren bigarren edizioa dela eta. Lehenengo erreportajean Maria Zeberio hezitzailea izan zen protagonista, eta bigarrenean Antiguoko taldearekin lotura duen Asun eta Manolo bikotea. Hirugarren bideoan Mungiako Josu zale miresgarriak hartzen du protagonismoa. Azken sailean, formakuntza-futbola ondo baino hobeto ezagutzen duten bi mito zuri-gorri ageri dira: Carlos Gurpegui eta Nekane Diez.

Oinarri-futbolaren benetako balioa hori posible egiten duten pertsonei dagokie. Profesionalak ez diren klub bakoitzaren atzean pertsonak daude, eta haien dedikaziorik eta konpromisorik gabe ezinezkoa izango litzateke kluba aurrera ateratzea.

Kirol-lantaldeak, tokiko zaleak, langileak eta Zuzendaritza-Batzordeak funtsezko zutabeak dira formakuntza-futbolean, eta kolektibo horietako bakoitzaren atzean izen-abizenak dituzten pertsonak daude. Futbolarekiko maitasunak eta komunitatearekiko maitasunak (auzolana), haur, nerabe eta gazteek astero entrenatzeko eta partidak jokatzeko aukera izatea ahalbidetzen dute.

Gurpeguik eta Nekanek ezin hobeto ezagutzen dute Lezama, eta futbolaz gozatzen hazi diren dozenaka futbolariren ibilbidea gertutik jarraitu dute. Bere historia profesional ez diren klubetako teknikari guztiei egindako omenaldia da. Horiei esker, gure gizarteko hainbat haur zoriontsu dira astebururo entrenatzen eta futbolean jokatzen.