“Bihar etxean hiru puntu garrantzitsu lortzeko aukera paregabea da”

Lezamako prentsa aretoan pozik eta konfiantzaz agertu da Edin Terzić, bihar (16:15ean) "Cholo" Simeoneren taldea den Atletico de Madridi aurre egin aurretik: "Partida irabazteko eta ahalik eta gehien ustiatzeko gure bertuteak zeintzuk diren argi eta garbi ikusten ari gara. Presio handia eragin nahi dugu eta, ondoren, erasoan joko koral bat osatu. Ez dugu aldatuko egiten duguna. Bihar etxean hiru puntu garrantzitsu lortzeko aukera paregabea da. Espero dugu gure zaleekin San Mamesen ospatu ahal izatea".

Teknikari alemaniarrak ez du uste lasaitua izan zenik Vigon taldeak hiru puntuak batu izana, taldearen maila eta proiekzioa ezagutzen baititu: "Lan egitea gustatzen zait eta talde zoragarri bat daukat horretarako. Aurreko asteak ere onak izan ziren, nahiz eta garaipenik lortu ez. Igandeko hiru puntuekin energia are hobea da. Plazer handia da talde honekin lan egitea. Lan egitea gustatzen zaie, niri ere bai, eta batasun perfektua da".

Entrenatzaile zuri-gorriak uste du bihar aurkari izango duen taldeak oso maila altua duela: "Azken urteetan eraldaketa handia izan dutela uste dut. Ez dut uste Atletico defentsako taldea denik. Talentu handiko jende asko dute zelai erdian, minutuek aurrera egin ahala, taldea beste era batera jokarazten dutenak. Oso komunikatiboak izan beharko dugu jolasteko moduak ikusteko eta gure akatsak murrizteko. Ezin izango gara inoiz erlaxatu 90 minutuetan".