Rangers FC - Athletic Club

Athletic Clubek bizirik utzi du Rangers FC taldea Ibrox Stadiumen golik gabe berdindu ostean, 13. minutuan Propperrek txartel gorria ikusi duen arren. Ezin izan du asmatu, eta Berenguerrek ere penalti bat huts egin du 82. minutuan. Irabazteko aukera galdu da, baina San Mamesek erabakiko du, non Valverderen mutilek denboraldi honetan Europako partida guztiak irabazi dituzten.

Emaitza garratza izan da, baina Athleticek arin ahaztu behar izango du eta Rayo buruan izan. Giro zoragarrian, beste garai bateko futbol giroan, eta ia 3.000 jarraitzaile zuri-gorriekin harmailetan taldeari animatzen, lehoiek ez dute asmatu Kelly atezainaren aurrean.

Maroanek, hiru aldiz, 0-1ekoa izan du, horietako bat epaileak Propper kaleratu aurretik, Iñaki Williamsi atzetik sarrera egin ostean.

Hamar jokalariren aurka Athleticek pazientziaz kontrolatu du partida, baina pixkanaka pixkanaka trabatzen hasi da, eta Kellyk gaueko lehen geldiketa bikaina egin du Sanceten burukada batean.

Rangersen aldetik ez da berririk izan erasoan, Dessersen erremate bat besterik ez. Oso argia izan da Maroanena, De Marcosek pase ederra eman ostean, 58. minutuan.

Sinestezina izan da Berenguerri baliogabetutako golaren jokaldia: jokoz kanpo egon da, baina lehenago atzelari batek eskuarekin ukitu du baloia, eta VARen laguntzaz penaltia erabaki du epaileak. Kellyk, hankaren puntaz, loria lapurtu dio Berenguerri. San Mamesen erabakiko da.