Borussia Dortmund - Athletic Club

Athletic Clubek jipoia jaso du Signal Iduna Park izugarriari egindako lehen bisitan, 4-1 galdu ondoren. Valverdek zuzentzen duen taldearen aurkako emaitza gehiegizkoa izan da. Gainera, zuri-gorriak bigarren zatian bikain aritu dira, eta alemaniarrak menderatu dute. Gol bat baliogabetu du epaileak jokoz kanpo egoteagatik, eta Robert Navarrok 2-2koa egiteko aukera paregabea izan du.

Lehoiek norbaitengatik sentitu badute, beti babesa eman duten ia 4.000 zaleengatik izan da, eta amaiera onik gabeko animo lezioa eman dute. Hala ere, lehoiak ez daude hilda lehiaketan. Orain LaLigan jarri behar da arreta, RCD Mallorcaren aurka, eta gero Qarabag harrigarria etorriko da San Mamesera.

Lehen zatia etxekoak nagusi izan dira, eta Athleticek posizioen desdoitzea ordaindu du Daniel Svenssonen golarekin Adeyemiren jokaldian. Gaueko lehen kolpea izan da. 2-0ekoa bigarren zatia hasi eta berehala iritsi da, arin batean, Chukwuemeka-k Sabitzerren jokaldi bikaina bukatu duenean. Ezer galdu gabe, Horma Horia indartsuaren aurrean beldurrik gabe, Athletic bikain jokatzen hasi da, Rego eta Galarretarekin zelai erdian baloia ondo gidatuz eta Robert Navarroren trebeziaz.

2-1ekoa egin dute zuri-gorriek Maroanen eta Unai Gomezen arteko aukera bikoitzaren ondoren. Guruzetak area barruan geraturako baloi solte batean sartu du sarera. Harmailetako marea zuri-gorria zelaira sartu da. Robert Navarrori gol bat baliogabetu diote jokoz kanpo egoteagatik, eta hegalekoak berak 2-2koa izan du botetan eskuinkada batean, atzelariari errekortea egin eta gero.

Azken aukera falta zen, berriz ere Navarro marraraino heldu eta atzerako pasea egin duenean, baina Guruzetari urrezko baloia lapurtu diote. Dortmundeko jokalarien azken bi ezpata-kolpeak iritsi dira: Guirassyk zorte apur batekin 3-1ekoa egin du, eta Brandt-ek 4-1ekoa gure taldea maldan behera zegoenean. Ibon Sanchez debutariak ere jaurtiketa on bat atera du. Ez zen nahi genuen gaua izan. Athleticek pausoak ematen ditu, baina ez du batere zorterik.