Atalanta BC

Athleticek gol bakarragatik galdu du Stadio di Bergamon

Lehoiak hutsik joan dira Italiatik, nahiz eta zelaian lan ona egin

Porrota Bortolotti Sarian. Talde zuri-gorriak lan ona egin duen arren, Athleticek porrotarekin itxi du 2026/27 denboraldiaurrea Stadio di Bergamon. Bigarren zatiaren hasierak lehen zati sendoa zapuztu du, etxekoen golaren ostean, 46. minutuan.

Lehen zatian ez da markagailua mugitu. Oso hasiera parekatua izan da bi taldeentzat, eta Athletic oso serio egon da atzean, italiar taldeari oso aukera gutxi emanez. Zuri-gorrien aldetik, Maroan gogotsu aritu da taldekako jokaldietan. Talde jokoa ona izan da, baina ez da jokaldi argietan bihurtu. Gauzak horrela, 22 jokalariak berdinketarekin joan dira aldageletara.

Bigarren zatian, bakarkako jokaldi baten ostean, etxekoen gola heldu da, Zalewskik sartuta. Italiarrak hobeto aritu dira bigarren 45 minutuen hasieran, baina lehoiak suspertzen saiatu dira. Adamak, ezker hegaletik egindako jokaldi on baten ostean, baloi bikaina bidali du, gutxigatik Maroanek errematatu ez duena. Hala ere, Edin Terzićen jokalariak 2026/27 denboraldiaurrea porrotarekin bukatu dute Stadio di Bergamon.

Bukatu dira lagunartekoak. Abuztuaren 22an, 17:00etan, San Mamesen jokatuko den Athletic-Sevilla partidak emango dio hasiera LaLigan Edin Terzićen aroari.