Athletic Club VS Real Madrid 22/12/2021 | Athletic Clubeko Webgune Ofiziala
21. Jardunaldia

Athletic Club1 : 2Real Madrid

O. Sancet10'
Benzema4'
Benzema7'
Bertaratzea42.722
Laburpen bideoa
Estadioa
San Mamés
Herria
Bilbao
Data
22/12/2021
Ordua
21:30
Data eta ordua
22/12/2021 - 21:30

Benzemak Athletic gelditu du

Berriz ere, joanekoan bezala, frantziarrak lehoiak menderatu ditu, nahiz eta Sanceten gol batekin partidan sartu diren

22 de dic. de 2021

Athletic Clubek 1-2 galdu du San Mamesen Real Madrilen aurkako klasikoan. Duela hiru aste Santiago Bernabeun gertatu bezala, Karim Benzema izan da lehoien borreroa. Oraingo honetan, bi gol sartu ditu lehenengo sei minututan. Oihan Sancetek, gol bikain batez, zuri-gorriak partidan sartu ditu, eta jokaldi pare batean berdinketa lortzeko aukera egon da, baina ez da modurik izan.

Marcelinok zuzentzen dituen jokalarien hasiera txarra izan da, eta larrutik ordaindu dute. Benzemaren bikaintasun batek, Kroosen pase bat jaso eta baloiari barrurantz efektua eginez, Ancelottiren taldeari aurrea hartzeko balio izan dio. Suspertzeko denborarik gabe, Athleticek 0-2koa jaso du, berriz ere frantziarrarena, errebote batez baliatuta.

Dena aldapa gora jarria zela zirudien, baina Sancetek, 9. minutuan, ezusteko eskuinkada batekin, Courtoisen eskuineko zutoinean jo eta baloia sareetan bidali du. Vencedor, ezkerreko hankarekin, berdinketa lortzeko zorian egon da Balenziagaren atzera-pasearen ostean, baina neurketa bisitarien espekulazioan jausi zen, eta zaila zen aukerak sortzea.

Bigarren zatian, Sancetek baloi bat lapurtu eta Iñaki Williamsi utzi dio, baina jaurtiketa ozta-ozta kanpora joan da. Raul Garciak eta Nico Williamsek saiakera pare bat egin dute, Julen Agirrezabalak Hazardi geldiketa ona egin aurretik. Athleticek 2-2koa izan du Nicoren oinetan, anaiak 85. minutuan pase ona eman eta gero, baina Courtois erdian jarri da. Julenek beste gelditu bikaina egin du azken minutuetan, lehoiak guztiarekin aurrera egin eta arriskuak hartzen ari zirenean, baina azkenean sailkapenburuak hiru puntuak eskuratu ditu eta Benzemak, San Mameseko txalo zaparrada zelaia utzi duenean.