Athletic Club - CD Guadalajara

Helburua beteta. Athleticek nota onarekin gainditu du 2022ko San Mameseko itxiera-proba interesgarria. Lehoiek fin jarraitzen dute geldialdiaren ondoren eta 2-0 mendean hartu dute Chivas Gernikako Arbola Sariaren joaneko partidan. Datorren urteko uztailean erabakiko da irabazlea, Mexikora egin beharreko bisitan.

Lehoiek berdinketa nahikoa izango dute saria eskuratzeko. Galtzen badute, penaltietan erabakiko da, gol kopuruak ez baitu balio. Ez da garrantzitsuena garaikurra. Etorkizunerako geratzen dena Athletic Cluben eta Chivas Guadalajararen arteko anaitasuna da, lurraldetik hazitako bi proiektu. Bikaina izan da Amaury Vergarak presiditzen duen klubarekiko harremana eta halaxe jarraituko du. Euskal sustraiak dituzte izkina guztietan, eta San Mameseko erakundearekiko duten miresmena nabari izan zaie. Hunkituta bizi izan zuten Pitxitxiren bustoari egindako kapitainen lore-eskaintza. Kirol arloan, partida ezin hobeto garatu zen. Jokatzeko ondoezik zegoen bakarra Ander Herrera izan zen, arazo gastrikoekin.

Lantalde osoa aritzeko partida honetan Athletic sasoian itzuli dela ziurtatu zen. Hasieratik ikusi zen Berenguer geziarekin gora zihoala, eta Villalibreren pasea gol bihurtu zuen 29. minutuan ezkerkada gurutzatu batekin. Handik gutxira, Gernikako erdiko aurrelaria, oso aktiboa bera, 2-0ekoa egiteko zorian egon zen baina Miguel Jimenez atezainak baloia geldiarazi zuen. Julen Agirrezabalak, beste atean, gau lasaia bizi izan zuen. Mexikoko atezaina bera Yerayren burukada baten aurrean jarri zen. Bigarren zatian Athleticek agintzen jarraitu zuen. Sancetek Morcillo gaitzeko apartekotasuneko jokaldi bat asmatu zuen, baina atzelari bat jarri zen tartean.

Oihan gogo handiz zebilen, eta minutu bat geroago, Morciren beraren pase batean baloia kontrolatu eta gurpila emanez gol bikaina egin zuen arearen aurrealdetik eskuinkada batez. Lagunarteko bakoitzean gola sartzen du. San Mamesera joandako haurrek partidaz gozatu zuten. 17.524 zale bildu ziren Athleticen garaipena ospatzeko zubi luzearen amaieran. Lehoien aldetik, inork ez zuen amaitu min hartuta.