RCD Espanyol - Athletic Club

Ez da amestutako jauzia izan, baina Athletic Clubek urrezko puntu bat harrapatu du, puntu europar bat Cornella zelai zailean, alegia. Sancetek korner batean egindako bolea batek zuri-gorrien akats bat berdindu du, 1-0ekoa izan dena, arratsalde zail batean. Halaber, arrazakeria gertaera berri bat bizi izan da harmaila berean. Oraingoan, Maroanek jasan ditu irainak, eta Iñaki Williamsek epaileari arrazakeriaren aurkako protokoloa aktibatzeko eskatu dio. Kapitainari txistu egitea, baloia ukitu duen bakoitzean, are odoltsuagoa izan da. Ulertezina.

Espanyolek asko izan du jokoan eta partida gogorra egin du. Jokoaren fase askotan, Valverderen mutilek garaipena lortuko zutela zirudien, baina inork ez du puntuetan irabazi.

Maroanek ezkerkada batez abisatu dio Joani, Simonek Jofrerekin egin duen bezala. Partida ez da parez pare zabaldu norgehiagokaren zorigiaztoko jokaldia heldu arte: Athleticen aldeko alboko sake batean, 62. minutuan, Vivianek Simoni utzi dio, eta Roberto Fernandezek baloia ondo lapurtu dio behetik gola sartzeko.

Kolpe handia izan da, baina Jauregizarren gidaritzapean altxatu da Athletic. Nico Williams eta De Marcos zelaian zirela, azken honek Iker Muniain bigarren postuan berdindu duena partida kopuruan (560), lehoiek Espanyol inguratu dute, Nicoren korner batean Sancetek bigarren zutoinean asmatu duen arte.

1-2rako denbora geratzen zen, eta zuri-gorriek gertu izan dute Williams anaien jokaldi pare batean. Azkena, Iñakiren jaurtiketa baten ondoren heldu da, baina Joan Garciak kornerrera bidali du. Lehoiek eskerrak eman dizkiete amaieran zale zuri-gorriei euren sostenguarengatik. Talde handi honek 15 partida daramatza galdu gabe.