Fede Valverderen gol ikusgarri batek Bernabeun egindako defentsa-lan eskerga zapuztu du
Athletic Clubek azken unean galdu du Santiago Bernabeun. Fede Valverdek 92. minutuan sartutako gol bikainak Real Madriden aurka defentsan osatutako lan handia zapuztu du.
Ernesto Valverdek, Rangersen aurka egindako esfortzua kontuan hartuta, aldketa asko egin zituen Berenguerrek bakarrik errepikatu zuen hamaikakoan. Lehoiak ez ziren ia hurbildu Courtoisen areara lehen zatian, baina ez zuten ezta sufritu. Vinicius saiatu zen gora joan zitzaion jaurtiketa batekin.
Aldageletatik bueltan, Real Madridek aurrerapausoa eman zuen. Rodrygok baloia kanpora bidali zuen gutxigatik, eta Camavingak Simon bere lekuan zegoela egiaztatu zuen.
Segidan zuri-gorrien aukera bakarra iritsi zen. Berenguerren pase eder baten ostean, Courtoisek Unai Gomezen errematea desbideratu zuen
Paredesek Bellinghamen gola ekidin zuen ate azpian eta Viniciusen gola ondo baliogabetu zuen epaileak 80. minutuan Endrick jokoz kanpo zegoelako.
Athletice Villarrealekiko errenta mantentzea ahalbidetzen zuen puntua dastazten ari zenean Valverderen zartakoa iritsi zen. Indarberritu beharra dago, eta asteazkenean San Mamesen laguntzarekin garaipen erabakigarria lortu Las Palmasen aurka.
