Athletic Club

Porrot mingarria eta baldintzatua Uniteden aurka

Athleticek aurretik jartzeko bi aukera argi izan ditu eta ondoren Deabru Gorriei 0-3rako bidea erraztu dioten erabaki eztabaidatuetan murgildu da partida

Athletic Clubek 0-3ko emaitzarekin galdu du San Mamesen jokatu den Europa Ligako finalerdietako joaneko partida. Old Trafford geratzen da, Ametsen Antzokia, non balentria bilatuko duten lehoiek. Zaila izango da, baina ez ezinezkoa. Izan ere, talde honek ez du inoiz amore ematen.

San Mames lehertzear zegoela, Athletic gola sartzera erabakita irten zen zelaira. Garnacho jokoz kanpo egoteagatik Unitedi baliogabetutako golaren ondoren, hiru aukera izan zituzten lehoiek, horietako bi oso argiak, 1 eta 0 aurretik jartzeko. Lehenengoan, Onanak Berenguerren ezkerkada ondo atera zuen, eta ondoren, Iñaki Williamsen errematea gora joan da oso gutxigatik.

Hirugarrena ere ez zen gutxiagorako izan. Jauregizarrek Iñaki Williams aurkitu zuen abiaduran eta Lindelofek Berenguerrek egindako tiroa atera zuen atepean. Hala ere, United 0-1 jarri zen bere lehen aukera argian: Maguireren erdiraketa bat area barruan orraztu zuen Ugartek eta Casemirok, buruz, bigarren zutoinean barrura. Ordu erdi pasata zen San Mamesen eta gola benetako labankada izan zen.

Lehoiek, nerbioak galduta, zigor ikaragarria jaso zuten hurrengo jokaldian. Garnachok eskuarekin ukitu zuen baloia lurrera erori aurretik, JYurirekin izandako liskar batean, eta ondoren VARak Vivianek Hojlundi egindako penaltia adierazi zuen. Epaileak denbora behar izan zuen erabakia hartzeko, eta sumindura handiagoa izan zen harren berri izaterakoan, zigorra handiagoa baitzen: txartel gorria.

Bruno Fernandesek ez zuen penaltia barkatu eta portugaldarrak 0-3koa sartu zuen ondoren. Lehoiek bizirik iraun nahi zuten, baina ezin izan zuten baloia kontrolatu. De Marcosek min hartuta zelaia utzi behar izan zuen Susaetaren errekorra hautsi zuen partidan.

Maguirek Maroanen aurka egindako ekintza batekin haserre ahertu ziren lehoiak, epaileak ez baitzuen ezta falta adierazi txartel gorria zirudien jokaldi batean. Klub honek estamentuarekin publikoki eta modu pribatuan mantentzen duen arbitraje-errespetutik abiatuta, hutsegiteak pilatu ziren partida honetan. Porrota ez zen handiagoa izan Julenen geldiketengatik. Jokalariak San Mamesen "Jo ta ke, irabazi arte" entzunaz joan ziren zelaitik eta ez, ez dute etsiko.