Getafe CF

Athletic esku-hutsik itzuli da Getafetik

Lehoiek 2-0 galdu dute aurkaria kezkatu gabe, postuak igotzeko borrokan geldialdi handia delarik

Athleticek 2-0 galdu du Getafen, sailkapenean gora egiteko funtsezkoa zen partida. Vazquezen eta Satrianoren golek zuri-gorrien asmoak geldiarazi dituzte. Ez da erasorako inspiraziorik ikusi eta David Soriak arratsalde lasaia izan du.

Yeray Alvarez bere zigorretik hamar hilabetera berdegunera itzultzearekin batera, Athleticek Getafen aurre egin nahi izan dio nahikoa ezaguna zuen partida bati: lehiak irabaztea, akatsik ez egitea eta aurkariaren arean asmatzea. Helburua ez da bete, huts egin du.

Izan ere, Bordalasen jokalariek asmatu egin dute lehen hurbilketan: 14. minutuan Bosellik erdiraketa bikaina egin du, eta Vazquezen burukada Simonek urrundu ondoren, Satrianoren jaurtiketa Vazquezek berak barrura desbideratu du.

Lehoiek ozta-ozta izan dute aukera argi bat, Berenguerrek plantxaz bigarren zutoinean kanpora egindako burukadan.

Atsedenaldiaren ostean, Nico Williams eta Areso zelairatu dira. Athleticek baloi jabetza handiagoa izan du baina gol aukerarik gabe. Simonek geldiketa bikaina egin dio Lazori, eta Valverderen taldea berdinketaren bila zebilenean, Satrianoren gola iritsi da azken kontraerasoan. Getafe izan da lehoien piztia beltza denboraldi honetan. Gosez egin beharko zaio aurre Villarrealen bisitari, geratzen diren zortzi finaletatik lehenengoa.