Real Madrid - Athletic Club

Real Madrilek 5 Athletic Clubek 0

Athletic Clubek 5-0 galdu du Real Madrilen aurka Santiago Bernabeu futbol zelaian. Cristiano Ronaldok (3) eta Benzemak (2) egin dituzte etxekoen golak.

Zurigorriei partida aldapaz gora ia hasieratik ipini zaie, Real Madrilek bigarren minutuan bat eta zerokoa ezarri baitu. Ez zen medizinarik onena, baina gure taldeak erronkari eutsi dio ia atsedenaldira arte, baina bigarrena heldu da.

Bigarren zatian Athletic Clubek lehen zatian baino hobeto ekin dio lehiari, baina hirugarren golak partidaren bukaera aldarrikatu du. Zoritxarrez minutu asko zeuden jokatzeke eta beste bi hartu ditugu, tamalez azken hamarkadako norgehiagoketan ohikoa bihurtu dena jada lau aldiz bosna gol sartu digute eta.

Orain aste biko geldialdia Ligan, tarterik egokiena konpondu beharreko konpontzeko eta Celtaren aurka Ligan garaipenaren bidetik berriz ibiltzen segitzeko.