Athletic Club VS RC Deportivo 2017-2-11 | Athletic Clubeko Webgune Ofiziala
22. Jardunaldia

Athletic Club2 : 1RC Deportivo

Muniain71'
Aduriz89'
Bertaratzea41.469
Laburpen bideoa
Estadioa
San Mamés
Herria
Bilbo
Data
11/02/2017
Ordua
18:30
Data eta ordua
2017-2-11 - 18:30

Berriro aldapaz gora eta amaiera zoriontsua

Athletic Clubek 2 RC Deportivok 1 Athletic Clubek 2-1 irabazi dio A Coruñako Deportivo taldeari…

2017ko ots. 11a

Athletic Clubek 2 RC Deportivok 1

Athletic Clubek 2-1 irabazi dio A Coruñako Deportivo taldeari San Mamesen. Muniainek eta Adurizek egin dituzte gure taldearen golak eta Emre Colak-ek bisitariena.

Berriro aldapaz gora eta berriro amaiera zoriontsua San Mamesen gotorlekuaren legendari eusteko, baina zaila da oso lan eskerga egin beharra ohikotzat hartzea, zaila eta arriskutsua jakina.

Gaurko honetan partida orekatua suertatu da lehen zatian eta Deportivok, izugarrizko gola egiteaz gain, sailkapenak adierazten duen baino talde hobeagoa dela erakutsi du. Halaz ere, zaila da oso gure taldearen konfiantza eta partidei ezartzen dion erritmoa gainditzea eta, gutxi gorabehera, halaxe gertatu zaio Deportivori, bigarren zatia luze samar egin baitzaio. Lehen Muniainek Tytonen aldaratzea errematatuz eta ia amaieran Adurizek, jokoz kanpo ez zela, Susaetaren pasea eskuinez sareetara bidaliz aldi berean bere urtebetetzea ospatuz.

Hiru puntuak garrantzitsuak dira oso europar postuen lehian segitzeko eta, ia pausarik gabe, ostegunean UEL bueltan egongo da San Mamesen, Txipreko Apoel-en bisitarekin. Hil edo biziko lehiak heldu dira dagoeneko.

Bestalde, Valverdek Ligako 212. partida bete du gaurkoan, hau, geure historian erregulartasun txapelketan partida gehien zuzendu duen entrenatzailea izanik, Javier Clementeren 211ak gaindituz. Zifra, izen eta uzta oparoak dira bienak. Gainera, UEL-ren partidaren ostean, biek 289 partida izango dituzte euren altzo zuri-gorrian.