US Sassuolo VS Athletic Club 2016-9-15 | Athletic Clubeko Webgune Ofiziala
01. Jardunaldia

US Sassuolo3 : 0Athletic Club

Lirola59'
Politano82'
Laburpen bideoa
Estadioa
Mapei Stadium
Herria
Reggio Emilia
Data
15/09/2016
Ordua
19:00
Data eta ordua
2016-9-15 - 19:00

Hasiera kaxkarra Europan

US Sassuolok 3 Athletic Clubek 0 Athletic Clubek 3-0 galdu du US Sassuoloren aurka Reggio…

2016ko ira. 15a

US Sassuolok 3 Athletic Clubek 0

Athletic Clubek 3-0 galdu du US Sassuoloren aurka Reggio Emiliako Mapei Stadiumean. Golegileak Lirola, Defrel eta Politano izan dira, guztiak bigarren zatian.

Hasiera kaxkarra gure taldearena aurtengo denboraldiko UEL-n, zalantzarik gabe. Zuri-gorriek partidaren ekimena eraman dute, baina inolako sakontasunik gabe eta etxekoek golak ipini dituzte, sortu dituzten ia aukera guztiak gauzatu baitituzte, bisitarien gabeziak ondo baino hobeto aprobetxatuz.

Lehia honetan azpimarratzekoa da, zerbait positibo aipatzearren, Yeray Alvarezen debuta egin duela Athletic Clubeko elastikoarekin lehia ofizialean eta, halaber, Markel Susaetak bere 56. Europar lehiaketa jokatu duela, Joxe Anjel Iribarren marka gaindituz.

Eta gaurko porrota ahazten saiatzeko, ia atsedenik gabe, Ligako hiru partida aste bakar batean datozkigu, lehendabizikoa igandean Valentzia CF taldearen aurka San Mamesen.