Athletic Club - Real Racing Club de Santander

Athletic Clubek 3 Real Racing Clubek 0

Athletic Clubek 3-0 irabazi dio Real Racing Club taldeari San Mamesen. Etxeitak, Raul Garciak eta Williamsek egin dituzte gure taldearen golak. Emaitza honi esker, joaneko 1-2koa gehituz, zuri-gorriak hilaren 23an, 12:00etan EEFF-ren egoitzan egingo den zozketan egongo dira.

Partida orekatua izan da lehen zatian, Athleticek Etxeitaren burukadaren bitartez aurretik ipini den arren, baina bigarrenean, aldiz, nagusitasun zuri-gorria erabatekoa izan da, batik bat Raul Garciaren golaren ostean. Williamsek hirugarrena egin du, baina etxekoek aukera franko izan dute gol kopuru handiagoa lortzeko.

Garaipenaren ostean zozketak azalduko digu noiz eta non ekingo diogu lehiaketari 2017an. Dena den futbolak ez du azken hitza esan aurtengoan San Mamesen, hilaren 30ean nazioarteko partida jokatuko baitute euskal eta tunisiar selekzioak.