Athletic Clubek 1-3 galdu du Levante UD-ren aurka San Mamesen. Raul Garciak gure taldea aurretik…
Athletic Clubek 1-3 galdu du Levante UD-ren aurka San Mamesen. Raul Garciak gure taldea aurretik ipini du hasi eta gutxira, baina Bardhik, bi aldiz, faltaz lehen zatiaren azken txanpan eta Moralesek partidaren hondarrean partida irauli dute. Gure taldeak, nahiz eta abantaila goiztiar hartu, ez du partida kontrolpean izan eta asko sufritu du bizkarrera bidalitako baloi askorekin. Bigarren zatian aukerak egon dira berdinketa lortzeko, baina argi dago azken etxeko lehiak gainditu ezinik dabilela taldea. Larunbatean, denboraldiko azken-aurreko derbya, kasu honetan Anoetan Real Sociedaden aurka.
