Athletic Club - Real Betis

Athletic Club garaipenaren bidera itzuli da, Real Betisen aurka markagailua modu izugarriz irauli ostean (3-2), katerik gabe jokatutako bigarren zatiaren azken txanpan. Iñaki Williamsek bi golekin (ezkerrarekin misila barne) eta De Marcosek, 88.ean bihotzarekin sartutakoarekin, hankaz gora jarri dute San Mames, Real Madril liderra hartzeko hiru egun falta direnean.

Oso partida bikaina izan da, erasorako emari izugarria duen hirugarren sailkatuaren aurka. Lehoientzako gauzak ondo hasi dira, 2. minutuan Iker Muniainek, bere 29. urtebetetzean, Iñaki Williamsi 1-0ekoa egiteko gol-pasea eman zionean. Marrazainak jokoz kanpo zegoela adierazi zuen, baina gero BELek zuzendu egin zuen. Bikote zuri-gorriaren eskaintza izan zen Koldo Asua bere aholkulariarentzat, bezperan familiartean agurtu zutena.

Real Betis ez zen besoak gurutzatuta geratu eta Bellerinek Julen Agirrezabala probatu zuen Juanmik, hankarekin prest, Alex Morenoren burukada atezainak desbideratu ondoren berdinketa lortu baino lehen. Bataren eta bestearen arteko hartu-emanak izugarria izan ziren, nahiz eta bigarren zatian dena askoz aurpegia ala gurutzeago jarri zen.

Pellegriniren jokalariek zabal-zabal erasora jo zuten atsedenaldiaren ondoren. Julenek Fekir geldiarazi zuen lehenbizi, Willian Josek kanpora bidali zuen buruz buruko batean… eta hainbeste aukerak sortuta azkenean Fekirrek berak, ezkerkada batez, 1-2koa egin zuen. Marcelinok buelta bat eman zion taldeari aldaketekin eta lehoiek, ezer galtzekorik gabe, Rui Silvarengana hil edo bizi jo zuten. 72. minutuan, Sancetek Iñaki Williams baloia utzi, eta aurrelariak, angelu gutxi izan arren, ezkerkada bat sareetara bidali zuen partida osoa aldatzeko. Iñakik berriro ezkerreko hankarekin 3-2koa egitea lortu nahi zuen, baina Granadako jokalari ohiak geldiarazi zion. Balenziagak erdiraketa pozoitsua jarri zuen behean eta Nico gola egiteko zorian egon zen.

San Mameseko 38.000 zaleen arnasarekin Real Betisen kokotean, De Marcos munduko abiadura eta fede guztiaz barrurantz sartu zen, eta Victor Ruizen ukitutako jaurtiketan behin betiko 3-2koa egin zuen. Zoramena harmailetan eta hiru puntu handi, zuri-gorriei txapelketan berriro sartzeko aukera ematen dizkietenak.