Cádiz CF VS Athletic Club 2022-4-21 | Athletic Clubeko Webgune Ofiziala
33. Jardunaldia

Cádiz CF2 : 3Athletic Club

Lucas56'
Sobrino87'
Raúl García3'
Muniain22'
Vesga32'
Bertaratzea17.360
Laburpen bideoa
Estadioa
Nuevo Mirandilla
Herria
Cádiz
Data
21/04/2022
Ordua
20:00
Data eta ordua
2022-4-21 - 20:00

Garaipen erabakigarria Nuevo Mirandillan

Athleticek 2-3 intrigaz irabazi du Cadizen aurka eta San Mamesera aldatu ditu bere aukerak

2022ko api. 21a

Athletic Clubek 2-3 irabazi dio Cadizi Nuevo Mirandillan, eta horrek Europako itxaropenei heltzeko aukera eman dio. San Mamesen Atleticoren eta Valenciaren aurka jokatuko duen partida bikoitzak erabakiko ditu bere aukerak.

Intrigazko garaipena izan da bizia jokoan zuen Cadizen aurka. Lehen zatia arrosa kolorekoa izan zen 0-3koarekin, iazko 0-4ko partidaren atsedenaldira heltzean lortutako emaitza berbera. Raul Garciak, Muniainek eta Vesgak laster sartutako golei esker, Marcelinoren taldea egoera idilikoan jarri da gol-kopuru handiko emaitzarekin amaitzeko.

Athletic, harmailetan oso lagundurik, zurrunbilo baten antzera sartu zen norgehiagokara, eta Nico Williamsek Ledesmaren gorputzean jo zuen, 30. segundoan, anaiak utzitako baloia. Iñaki bera izan zen Raul Garciari orpoz eman ziona, hirugarren minutuan, 0-1ekoa egin zezan.

Negredok kezka sortu zuen beste arean, baina Nico Williamsen bikaintasun batek Espinoren penaltia ekarri zuen. Ledesmak asmatu egin zuen Muniainen jaurtiketa, baina aldaratzean kapitainak fedez sartu zuen baloia 22. minutuan.

Vesgak, Muniainek utzita area kanpotik egindako ezkerkada batez, 0-3koa egin zuen Negredoren beste abisu baten ondoren. Eta Iñaki Williamsen bitartez laugarrena iritsi zen luzapenean, baina BELek baliogabetu egin zuen.

Bigarren zatia kalbarioa izan zen bere azken ordu erdian, Iñakik laugarrena bilatu ondoren. Lucas Perezek 1-3koa egin zuen, geroago epaileak huts egin zuen Vesga kanporatzean, eta horren ondorioz, Athleticek atzera egin zuen. Vencedor 1-4koa lortzeko zorian egon zen, baina Ruben Sobrinok Cadiezn bigarrena sartu zuen 86. minutuan. Okerragoa izan zitekeen, Falik luzapenean baloia zutoinera bidali baitzuen. Sufritutako garaipena izan zen, bi aurpegirekin, alaitasunarena eta sufrimenduarena, baina oso garrantzitsua.