St.Gallen - Athletic Club

Athleticek porrota jaso du denboraldi-aurreko estreinaldian Suitzan. Lehoiek 2-1eko emaitzarekin galdu dute St. Gallenen aurka, giro polit batekin jokatutako norgehiagokan, 6.261 ikusle izan baitira harmailetan. Lehen lagunartekoak lehoien hankei minutuak gehitzeko balio izan du, saio hirukoitzek astunduta. Williams anaiek taldearen aurrealdean batera egon dira eta Iñakik izan du lehen aukera ona 6. minutuan. Iñakirekin izan zuen konexioa eta txikiaren abiada handi batek 0-1ekoa jartzear egon zen Serranoren ezkerkada bati esker.

Hala ere, kornerretan arreta falta garesti ordaindu zuen Athleticek. Besiok (17 urte) baloia aurkitu du bigarren zutoinean eta Ezkieta behetik gainditzea lortu zuen. Serranok eta Lekuek bi aukera izan zituzten ezkerretik, baina Victor Ruiz espainiarrarak ateratako beste korner batek min egin zien lehoiei. Youan izan zen, buruz, zuri-gorrien atea zulatu zuena. Lehoiek aldea murriztu zuten 38. minutuan, Unai Lopezek Nico Williamsen abiadurari etekina atera eta gero. Aurrelariaren erdiraketa arriskutsua Fazlijik bere atean sartu zuen.

Marcelinok hamar aldaketa egin zituen atsedenaldiaren ostean, Serranok bakarrik errepikatuz Muniain ez kargatzeko, Yerayk eta Iñigo Martinezek bezala. Agirrezabalaren eta Petxarromanen debutak iritsi dira, Antiguokon hezitako bi jokalari. Atezainak ia ez zuen lanik izan eta Realeko jokalari ohia parte hartzailea eta ausarta izan zen baloiarekin. Bigarren zati honetako aukerarik onena Sancetek izan zuen, bizkarrez egindako mugimendu bikain batekin, baina atezainak ederto zapuztu zuen abagunea. Athleticek besoko beltzak jantzi zituen Iñaki Arrate zuzendaritza-batzako kide ohiaren omenez.