Athletic Club - Dinamo Kiev

Athleticek Dinamo Kyiv gainditu du (1-0), Iñaki Williamsen gol bati esker, denboraldiko bigarren lagunartekoan, Winterthurren (Suitza). Lehoiek oso lan bikaina egin dute garaipena lortzeko, defentsa mailan ezin hobea. Agirrezabalak eta Ezkietak arratsalde lasaia bizi izan dute ukrainarren jaurtiketarik gabe.

Ukrainako Liga eta Kopako txapeldunaren aurkako garaipenari balioa eman behar zaio; izan ere, udako seigarren partida jokatu du Lucescuren taldeak, bere txapelketaren hasierarekin hor bertan izanda. Dynamo jaun eta jabe izan da lehen ordu erdian, baloi irteera ausartari esker, baina Athletic nagusitzen joan da pixkanaka. Izan ere, Berenguerrek urrutiko jaurtiketa batez zutoinera bidali zuen baloia. Atsedenaldiaren atarian, Raul 1-0ekoa lortzetik gertu egon da, Muniain eta Vencedorren arteako jokaldi baten ostean.

Raul hamaikakoan errepikatzen zuen jokalari bakarra izanda, Zarragak ordu erdi bakarrik jardun zezan, bigarren zatiko Athletic askoz erabakigarriagoa izan zen. Unai Lopezek maisutasunez eman zion abiadura taldeari. Horrela Nico Williamsen jaurtiketa etorri zen, lehenengoz. 67. minutuan, lehoiek kontraeraso handia egin zuten. Iñaki Williamsek areara erdiratu eta Lekuek boleaz gora bidali zuen baloia.

Garaipenaren gola kontraeraso ezin hobean iritsi zen, atzetik aurrera Serranoren, Lekueren eta Unai Lopezen artean, eta Iñaki Williamsek denboraldi-aurreko lehen garaipena lortzeko gola erdietsi zuen. Orain, Suitzako stagea amaitu baino lehen lanean jarraitu beharra dago. Hurrengo neurketa Borussia Dortmunden aurka.