Southampton FC VS Athletic Club 2021-8-7 | Athletic Clubeko Webgune Ofiziala

Southampton FC1 : 3Athletic Club

Walcott46'
Vesga33'
Villalibre42'
Bednarek59'(b.a.)
Laburpen bideoa
Estadioa
St. Mary’s Stadium
Herria
Southampton
Data
07/08/2021
Ordua
16:00
Data eta ordua
2021-8-7 - 16:00

Athleticek bere kalitatea erakutsi du Southamptonen aurka

Talde zuri-gorriak 1-3 irabazi du, Vesga eta Villalibrek sartutako bi golekin, eta Nico Williamsek behartutako berezko gol batekin

2021ko abu. 7a

Athletic Clubek 1-3 irabazi dio Southampton FC taldeari asteburu honetan Ingalaterran programatutako lehen lagunartekoan. Bihar Anfield mitikora itzuliko da Liverpool FC bisitatzeko. Vesgak,  korner baten osteko burukadan, Villalibrek, ezkerkada handi batean, eta Bednareken berezko gol batek, Nico Williamsek eragindakoak, bilbotarrei garaipena eman zieten. Jokalari guztiek beraien onena eman nahi dute Marcelinoren zalantzak areagotzeko.

Lehoiak nagusi izan ziren St Mary ‘s-en, One Club Man saria irabazi zuen Matt Le Tissierren begiradapean. Batez ere lehen zatian, aurkariari irabazten joan izan zirenean, eta aurkaria atzean utzi zutenean. Seinalatu gabe geratu zen Zarragari egindako penalti baten ostean, Muniainek oso ondo botatako korner batean hartu zuen aurrea Athleticek, Vesgaren burukadari esker lehen zutoinean (33. minutua). Raul Garciak 0-2a bere oinetan izan zuen, baina baloia gora bidali zuen eta atsedenaldia baino lehen Villalibrek oso ondo bukatu zuen Nico Williamsen kontraerasoa.

Santuak zaurituta atera ziren atsedenaldiaren ostean, eta hasi eta berehala beraien lehen gola sartu zuten, Theo Walcottek Ezkieta atzean utzi zuenean, Agirrezabala ordezkatu zuena. Nafarroako atezainak Obafemiren balizko geldiketa geldiarazi zuen. Partida Nico Williamsen erdiraketa on baten ondoren erabaki zen. Bednarekek bere atean sartu zuen gola. Williams anai txikiaren jokaldia, St. Gallenen aurka egindako berdina izan zen.