Athletici gola falta izan zitzaion. Merezimendu guztiak egin zituen CA Osasunaren aurkako derbian garaipena lortzeko, eta baloiaren menpe egon zen partida osoan zehar, baina Jagoba Arrasateren jokalariek defentsan egindako lanari esker puntu bateko saria lortu zuten. Lehoiak zazpigarren postuan aurkeztuko dira Reale Arenan, Europara sailkatzeko puntu batera.

Ezin deskribatuzko emozioarekin hasi zen gaua Txetxu Rojori egindako omenaldiagatik. Minutu bateko isilunea txalo zaparrada amaigabe bihurturik, berak nahi zuen bezala, ezker bikainaren lau semeek, Iribar mitoarekin batera, hunkiturik bizi izan zuten ekitaldia soropilan bertan. Zazpi presidente ohi palkoan izan ziren, Jon Uriarte egungoarekin batera. Athletic familian baturik, irudi ederra.

Hasieratik ikusi zen Valverderen mutilek partidan aginduko zutela. Aise sartu ziren eskuineko hegaletik. Hortik Sancetek mehatxu egin eta Guruzetak kanpora errematatu zuen. Laster, Aitor Fernandez Lezaman sortutako atezain ohiak bere maila erakutsi zuen De Marcosen barneraldi bat eragoztean eta, batez ere, Guruzetaren bolea handi bat urruntzean. Partidako geldiketa izan zen.

Saiatu ziren Zarraga, Nico... baina ez zegoen modurik. Bigarren zatia heldu zen, eta Sancetek aukera argia izan zuen atzelari gorritxoen zalantzazko jokaldi batean. Athletic sendo ibili zen atzeko lerroan eta ez zuen gol aukerarik onartu. Baliogabetu zen Guruzetaren gol bat, eta Muniainek, Joseba Etxeberria hirugarren lehoi bezala partidetan berdintzeko bigarren zatian zelairatuta, Nico Williamsi jarri zion derbiko baloia, baina ez zuen aterako norabiderik hartu. Iñakik, segundo batzuk geroago, dena alde izanda atezainaren gainetik baloia bidaltzeko saiakera egin zuen. Osasuna behin iristea eta hiru puntuak eskuratzea besterik ez zen falta. Ez zen gertatu, 89. minutuan Simonek ikuslea ez zela erakutsi zuelako eta Manu Sanchezen oinetara katu bat bezala bota zelako. Golik gabeko berdinketa: defentsa eta presio ona, baina nolabaiteko zailtasuna jokoan izandako nagusitasuna gol aukera argietan gauzatzeko. Aurrera jarraitzen dugu, Athletic.