Athletic Club - Girona FC

Ahazteko moduko arratsalde batean, ezbeharrez josita, Athletic Clubek 2-3 galdu du Girona FC taldearen aurka. Ernesto Valverderen jokalariek dena aurka izan dute, hala nola hiru goletatik bi sartu dituzte bere atean, De Marcosen eta Vesgaren eskutik,  zalantzagarria izan da Iñaki Williamsi baliogabetutako gola, eta gainera, min hartuta utzi dituzte zelaia Unai Simonen eta Jon Morcillok. Azken honek taldea bat gutxiagoz utzi du azken hamar minutuetarako, lepauztaiko lesio baten ondorioz.

Athletic berez Nico Williams gabe zelairatu bada belaunean bihurrituta, 4. minutuan ezustekoa jasan du, Aleix Garciaren gol batekin. Hura seinale txarra izan da. Simonek Castellanosen erremateari erantzun bikaina eman behar izan dio eskuarekin, area barruan baloi arriskutsua galdu ondoren, eta ezin izan du ezer egin zoritxarreko geroko jokaldi batean, Gironaren aurrelariaren burukadak De Marcosengan jo baitu, sareetan sartzeko.

Athleticek dena izan du aurka, baina ez ditu besoak jaitsi. Berenguerrek Gazzanigari abisua eman dio kornerrera desbideratutako falta baten bitartez eta partidako jokaldi polemikoa agertu da, Paredesek Iñaki Williamsi egindako orrazkera batean.  Aurrelariak, bigarren zutoinean, barrura sartu du, eta zaila da irudiarekin jokoz kanpokoa ikustea.

Gutxienez, zuri-gorriak partidan sartu dira korner motzeko estrategia jokaldi batean, area kanpotik Yuri Berchichek, ezkerkada ederraz, sare barrura bidaliz. 34. minutua izan da, mundu bat geratzen zen. Unai Simonek min fisikoak izan ditu eta zorte txarra atsedenaldira iritsi aurreko azken ekintzan heldu da. Aleix Garciak falta bat jaurti, Yerayk baloia desbideratu eta Vesgan ikutu egin du gola egiteko.

Athleticek dena izan du aurka eta bigarren zati osorako zelairatutako Julen Agirrezabalak eutsi dio taldeari, Riquelmeri geldiketa ona eginez. Williamsek eta Berenguerrek euren gol aukerak izan dituzte atzean jarri den Gironaren aurrean, eta Morcilloren lesioagatik bat gehiagoz jokatu badute ere, sufritu egin dute azken minutuetan. Raul Garciak 2-3koa egin du Gazzanigarekin borrokatutako baloi batean, eta nafarrak berdinketa izan du azken burukadan, sorbalda minduta izan arren.

Ez dago kexatzeko astirik, asteazkenean Kopako lehen borroka jokatuko baita Osasunaren aurka, kopako final baten bila. Porrot gogor honetatik berehala suspertu beharra dago.