Rayo Vallecano - Athletic Club

Athletic Clubek bana berdindu du Vallecasen asko sufritutako neurketan bolada positiboari eusteko. Izan ere, azken 12 puntuetatik 10 puntu pilatu ditu talde zuri-gorriak. Unai Simonen geldiketek eta Iñaki Williamsen gol batek, zelai enblematiko honetan sartzen duen lehenengoak, Rayoren aurka berdinketa lortzeko balio izan dute, talde madrildarrak partida zaila jarri badu ere.

Ez da lehoien partidarik onena izan, baina gutxienez inertzia positiboarekin jarraitzen dute, gora begira jarraitzeko eta Anoetan asteazkenean jokatuko den Kopako finalerdira konfiantzaz iristeko.

Simonek maila bikaina erakutsi du Vallecasen, Zamora Saria irabazi zuen jokalekuan. Pacha Espinori eta Lejeuneri egindako geldiketek, bat zutoinera desbideratzeko, bai eta Alvaro Garciari egindakoa ere, 1-0ekoa atzeratu dute. Kontrako gola 34. minutuan heldu da Alvaro Garciak De Frutosi egindako gol-pasean jokaldi distiratsu batean. Gero, azken jokalari honi gol bat baliogabetu diote jokoz kanpo egoteagatik.

Oviedon bezala, Athletic hobeto zelairatu da atsedenaldiaren ostean, Berenguer itzuli denean. Alexek berak Iñaki gaitu du bolea gurutzatu batez 1-1ekoa egiteko 47. minutuan.

Garaipena irits zitekeela ematen zuen Iñakiren eta Sanceten arteko jokaldiekin. Bat-batean, Galarretaren lesioaren eta Rayoren jokalari aldaketen artean, zuri-gorrien oldarraldia gelditu da.

Berenguerrek atea aurkitu du, baina baita Batallari ere, eta Unai Lopezek jaurtitako falta batean Cisseren gol heldu da baina baliogabetu du epaileak jokoz kanpo zegoelako. Baloi zatitua irabazteko jokaldiak besterik ez dira egon. Koparen txanda da, eta Athletic emaitza positiboengatik adoretsu iritsiko da Anoetara.