Athletic Club - Getafe CF

Athletic Clubek 4 Getafe CF-k 0

Athletic Clubek 4-0 irabazi dio Getafe CF taldeari San Mamesen. Adurizek 2, Ibaik eta Susaetak egin dituzte gure golak.
Zurigorriek merezimendu osoz garaipenarekin bat egin dute, lehenengo gola lehen zatiaren hondarrean heldu den arren, Adurizek penaltiz egindako jaurtiketaren bitartez. Jokaldiaren ondorioz Getafe jokalari bat gutxiagorekin geratu da.

Bigarren zatiaren hasieran Adurizen bigarren golak lana erraztu du, baina gure jokalariek jo eta ke segitu dute partida amaitu arte. Ibaik eta Susaetak gol zaparrada itxi dute.

Zazpigarren postua lau puntura dago, gol aldea dela eta, eta sei jardunaldi falta dira Liga amaitzeko. Hurrengo erronka ostiralean izango da, Kordoban hain zuzen ere.