Atlético de Madrid - Athletic Club

Atletico Madrilek 2 Athletic Clubek 1

Athletic Clubek 2-1 galdu du Atletico Madrilen aurka Vicente Calderon futbol zelaian. Aymeric Laportek gure taldea aurretik ipini du lehen zatian korner jaurtiketa errematatzean, baina Saulek gauza bera egin du lehen zatiaren azken segundoetan.

Kolpe latza, gainera arauzko denboraren inguruko eztabaidarekin, baina erantzun ona eskaini du taldeak bigarren zatian eta aukerak izan ditu berriro aurretik ipintzeko.

Tamalez Griezmannek baloi solte bat hartu du, eraz kanpotik sareetara bidaliz. Hortik amaiera arteko saiakerak antzuak izan dira.

Dena den, gurpilak jira biraka segitzen du eta asteazkenean Balompedica Linense Kopan dugu bisitari eta igandean Levante UD Ligan. Biak irabaztea da helburua.