Athletic Club - Málaga CF
26. jardunaldia
Liga

Athletic Club - Málaga CF

Athletic Club
Athletic Club
10
Málaga CF
Málaga CF
  • 72' Raúl García (p.)

KokapenaSan Mamés , Bilbo

33.625 pertsona

Etxeko boladari eutsi… errekorrak ezartzeko

Athletic Clubek 1 Malaga CF-k 0 Athletic Clubek 1-0 irabazi dio Malaga CF taldeari San…

Athletic Club

Athletic Clubek 1 Malaga CF-k 0

Athletic Clubek 1-0 irabazi dio Malaga CF taldeari San Mamesen. Raul Garciak egin du partidako gol bakarra penaltiz bigarren zatian.

Etxeko boladak segida izan du Malagaren aurka, kostata bada ere, Liga honetako partida guztiak bezala, eta bisitarien hasiera hobeagoa gaindituz. Andaluziarrek aukera pare bat sortu dute hasi eta berehala, baina lehen hamar minutuak pasa eta gero zuri-gorrien nagusitasuna nabaritu da. Aukerak ez dira garbiak izan, baina etengabeko ekimenaren eskutik Malaga gero eta atzerago sartu da.

Bigarren zatia ildo beretik mugitu da eta Athleticek saria izan du penaltiz 72. minutuan. Raul Garciaren golaren ostean Malagak aurrerapausoa eman du eta hor nabaritu da egun bi gehiagoko atsedena izateak izan dezakeen garrantzia. Zorionez gure taldeak abantailari eutsi dio eta jada dira 13 Ligan galdu barik erreskadan daramatzagun lehiak, Valverderen 12ak gaindituz, eta 19 lehiaketa guztietan, pasa den mendeko 90eko hamarkadaren hasierara garamatzan erregistroa eta, gainera, lehenengo aldia da denboraldi berberean lortzen dena.

Guzti hau San Mameseko 100garren partidan, hauetan 61 garaipen, 21 berdinketa eta 18 porrot ikusi ditugu. Eta boladaz bolada, kanpoko boladara txarrari amaiera emateko hurrengo aukera Donostian izango dugu igandean, europar kutsua duen derby-an.