Athletic Club VS RC Celta 2016-12-19 | Athletic Clubeko Webgune Ofiziala
16. Jardunaldia

Athletic Club2 : 1RC Celta

Aduriz82'(p.)
San José93'
Iago Aspas54'
Bertaratzea35.945
Laburpen bideoa
Estadioa
San Mamés
Herria
Bilbo
Data
19/12/2016
Ordua
20:45
Data eta ordua
2016-12-19 - 20:45

Bisitariek jokoa ipini dute eta etxekoek fedea irabazteko

Athletic Clubek 2 Real Club Celtak 1 Athletic Clubek 2-1 irabazi dio Real Club Celta…

2016ko abe. 19a

Athletic Clubek 2 Real Club Celtak 1

Athletic Clubek 2-1 irabazi dio Real Club Celta taldeari San Mamesen. Adurizek (penaltiz) eta San Josek, luzapenean, egin dituzte gure golak, biak Aspasena, partidako lehena, gainditzeko.

Garaipen garrantzitsua urtea gora begira amaitzeko. Hiru puntuak fedearen bidetik eskuratu dira, Celtak jokoa ipini baitu partida hasi eta berehala. Eurenak izan dira abagunerik argienak, nahiz eta saria bigarren zatiaren lehen minutuetan jaso Aspasen bitartez.
Zuri-gorriak ez dira inondik inora eroso sentitu zelaian, baina ez dute amorerik eman eta, minutuak aurrera joan ahal, behinik behin ekimena berreskuratu dute. Berdinketa 82. Minutuan heldu da Iñaki Williamsi egin dioten penaltiaren eskutik. Adurizek lasai asko jaurti du erdirik arrasean. Egiari zor, lehen zati kaxkarra egin den arren, epaileak penalti pare bat seinalatzeko aukera izan du, Cabralen eskua eta Roncagliaren zaplaztekoa direla medio.

Hortik amaiera bitarte, Roncaglia bigarren horiaren ondorioz kanpoan zela kontuan hartuta, Athleticek erasora jo du eta Mikel San Josek, ezkerrez, boleaz, baloia zetorkion moduan joz, hiru puntuak etxean utzi ditu. Meritu handia, batik bat Celtaren proposamena kontuan hartuta.
Eta ostegunean Kopa 2016 ixteko. Ea etxeko boladari eusten diogun.