Athletic Clubek hutsean berdindu du Deportivo Alavesen aurka Mendizorrotza futbol zelaian. Puntu bat gehiago behetik irteteko, joko eskasa eta aukera gutxi eskaini dituen neurketan. Honekin jada hiru partida daramagu erreskadan golik jaso gabe, hau da, taldeak sendotasuna erakusten dabilela eta hori ez da abiapuntu txarra burua altxatzeko.

Alaves erasokor zelairatu da, baloia luzeaz behin eta berriz erabiliz, baina minik ez digu egin. Hogeigarren minututik aurrera Athletic nagusitu da, izan dituen aukera apurrak ez ditu gauzatu. Bigarren zatian, aldiz, gauzak berriro orekatu dira, borroka latza izan da zelaiko alde guztietan, baina inork ez du sari gehiagorik merezi.

Gauzak horrela, larunbatean urteko azken partida daukagu San Mamesen Real Valladoliden aurka, abagune on bat sailkapenaren erdialdetik gertuago egoteko.

Deportivo Alavés0 : 0Athletic Club