Villarreal CF VS Athletic Club 2019-1-20 | Athletic Clubeko Webgune Ofiziala
20. Jardunaldia

Villarreal CF1 : 1Athletic Club

Toko Ekambi70'
J.Costa19'(b.a.)
Bertaratzea17.054
Laburpen bideoa
Estadioa
Estadio de la Cerámica
Herria
Vila-real
Data
20/01/2019
Ordua
16:15
Data eta ordua
2019-1-20 - 16:15

Puntu batekin konformatu behar

Athletic Clubek bana egin du Vila-real CF taldearen aurka La Ceramica Stadiumean jokatu den partidan….

2019ko urt. 20a

Athletic Clubek bana egin du Vila-real CF taldearen aurka La Ceramica Stadiumean jokatu den partidan. Jaume Costak, bere atean, eta Ekambik egin dituzte golak.

Amaieran penaturik, eta inpotentzia zentzazioarekin amaitu bada ere, Athleticek puntuak pilatzen segitzen ditu, etenik gabe, seriotasuna eta eraginkortasunaren eskutik. Gaurkoan, arerio zuzen baten aurka, tentsio handiko norgehiagokari nola heldu behar zaion erakutsi dute zuri-gorriek.

Atzean sendo, etxekoek ez dute aukerarik sortu bigarren zatira arte: burukada bat kanpora eta gola bera. Gure aldetik Ibaik Asenjoren ateko zurarekin egin du topo partida hasi eta berehala, eta gero Vila-realek bere atean egin du gola Yuriren erdiraketa zitalaren ostean.

Bigarren zatian sendotasuna mantendu egin da eta gola hartu arren, justu aurreko arean esku eztabaidagarri bat eskatu eta gero, taldeak aurrera jo du berriro, eta baita merezimenduak egin ditu bigarrena egiteko ere. Beno, egin, egin dugu baina teknologiaren aroan minutuak pasatu dira gehienontzako gola zela ezerezean geratzeko.

Horrela da futbola, batzuetan futbolaren protagonisten erabakiak onerako dira, beste batzuetan, aldiz, ez hain onerako eta Vila-realen horrela tokatu da.

Protestarako tarte gehiegirik gabe, indarrak pilatu behar ditugu igandean Real Betis mendean hartzeko eta LaLigako bolada onari eusteko. Lehia horretan ez da Beñat egongo, bosgarren txartel horia erakutsi baitiote.