Athletic Club VS CD Leganés 16/7/2020 | Athletic Clubeko Webgune Ofiziala
37. Jardunaldia

Athletic Club0 : 2CD Leganés

Guerrero79'
Assalé94'
Laburpen bideoa
Estadioa
San Mamés
Herria
Bilbo
Data
16/07/2020
Ordua
21:00
Data eta ordua
16/7/2020 - 21:00

Porrot gorabeheratsua Leganesen aurka

Simonek ikusitako txartel gorriak, 22. minutuan gauzak maldan gora jarri ditu, eta lehoiek kale egin dute Guerrero eta Assaleren golekin

16 de jul. de 2020

Athletic Clubek 0-2 galdu zuen Leganesen aurka San Mameseko denboraldiaren agurrean. Jokaldi gorabeheratsu batek, 22. minutuan Simon kanporatzeko Bryan Gilek egindako jokaldi batean, Gaizka Garitanoren taldea zigortu zuen. Hori dela medio, korrontearen aurka arraun egin behar izan zuten lehoiek, eta azken laurdenean Guerrerok (VAR-ean berrikusi ondoren) eta Avilesen jokaldi on batean Assalek sartutako golen ondorioz, zuri-gorriek kale egin zuten. Madrildarrak mirari baten zain daude azken jardunaldian, eta lehoiak Europako ametsetik kanpo geratu dira.

Leganesen lehen abisua Bryan Gil eta Erasoren artean egindako jokaldi batean heldu zen, baina lehoi ohiak kanpora bidali zuen. Jarraian, Unai Lopezen jaurtiketa Cuellarrek ahal zuen moduan atera zuen. Bat-batean, Manu eta Bryan Gilen arteko jokaldi batean epaileak Simoni txartel gorria erakutsi zion, atezainak ezkertiarrari ia ukitu ez zion arren. Herrerin Sanceten ordez zelairatu zen 22. minutuan. Egoera zaila gure taldearentzat. Athletic elkartuago jokatzen hasi zen eta Williamsek bi saialdi egin zituen.

Bigarren zatian, Williamsek jokoz kanpo baloia zutoinera bidali ostean, Bryan Gilek gol erraza egiteko aukera oparitu zion Roque Mesari, baina honek gora bota zuen. Guerreroren jokaldia iritsi zen, jokoz kanpo zirudiena; 0-1ekoa izan zen VAR-ean berrikusia izan zen arren. Adorea jarriz, Athleticek gora egin zuen eta berdinketa egiteko zorian izan zen Nuñezen bi burukadatan, horietako bat Cuellarrek kornerrera urrunduta.

Amaiera tristea izan zen, agur esaten ari ziren bi lehoi handirentzat merezigabea. Partida hasi aurretik, omenaldia egin zitzaien Mikel San Joseri eta Beñat Etxebarriari, San Mamesetik ateak itxita tristeziaz agur esaten ari ziren bi lehoiri. Jose Angel Iribarrek marko baten barruan jarritako kamiseta eman zien, taldekide guztiek sinatua. Bitartean, eskerrak ematen zizkien olana bat jarri zuten, Behe Ekialdeko harmailan.