Athletic Club VS Sevilla FC 2020-9-18 | Athletic Clubeko Webgune Ofiziala

Athletic Club1 : 0Sevilla FC

Villalibre64'
Laburpen bideoa
Estadioa
Pinatar Arena
Herria
San Pedro del Pinatar
Data
18/09/2020
Ordua
19:30
Data eta ordua
2020-9-18 - 19:30

Villalibrek garaipena eman dio Athletici Sevillaren aurka

Garaipena Pinatar Arenako bigarren lagunartekoan, Athletic asko hazi baitzen atsedenaldiaren ostean

2020ko ira. 18a

Athleticek 1-0 irabazi dio Sevilla FC-ri Pinatar Arenako bigarren lagunartekoan. Asier Villalibrek Iñigo Vicenteren erdiraketaren ostean egindako burukada bikain batek garaipena eman dio lehoiei 62. minutuan. Zuri-gorriek bertsio hobea eskaini dute bigarren zatian Europa Ligako txapeldunaren aurka, 22 partida ofizial jarraian galdu gabe.

Sevillak, Europako Superkopa Liverpoolen aurka jokatuko duen taldearen zati nabarmenarekin, agindu zuen lehen zatian. Hala ere, ez zuen Ezkieta kezkatu. Bilbotarrek aurrerapausoa eman zuten bigarren zatian eta Villalibrek eta Cordobak abisua eman zuten, Capak erdietsitako pasearen ostean. Eta hirugarren saiakeran, ura edateko etenaldian hitz egindako jokaldi batean, Unai Lopezek Vicenteri pasea egin, eta azken honek Villalibre aurkitu zuen bere lehen baloian. Deriotarrak ere 2-0ekoa izan zuen bere oinetan.

Sentsazio onak bi partida hauetan Ipuruari begira. Minutu garrantzitsuak lehoien hanketan eta etxera buelta konfiantzaz beteta.