Athletic Club VS Levante UD 2021-2-11 | Athletic Clubeko Webgune Ofiziala
1/2

Athletic Club1 : 1Levante UD

I. Martínez58'
Melero26'
Laburpen bideoa
Estadioa
San Mamés
Herria
Bilbo
Data
11/02/2021
Ordua
21:00
Data eta ordua
2021-2-11 - 21:00

Iñigo Martinezek Athletic lehian sartu du

Erdiko atzelariaren burukada batek (1-1) martxoaren 4an Valentzian jokatuko den itzuleko partidarako utzi du azken erabakia

2021ko ots. 11a

Athletic Clubek eta Levantek bana egin dute San Mamesen jokatu den Kopako finalerdiaren joaneko partidan. Iñigo Martinezek, buruz korner batean, Melerok lehen zatian levantetarren alde sartu zuen gola berdindu zuen.

Ciutat de València zelaiak erabakiko du finalera nor iritsiko den. Aukera gutxiko partida izan zen. Paco Lopezen taldeak berea aprobetxatu zuen: 26. minutuan area barrura egindako erdiraketan Melerok, lasaitasunez, Simon gainditu zuen bigarren erremate-saiakeran, lehoiak galduta zeuden jokaldi batean.

Athletic ez zegoen eroso eta Marcelinok aldaketa hirukoitza egin zuen atsedenaldian. Unai Lopez, Vesga eta Berenguer zelairatu ziren eta talde zuri-gorriak hobera egin zuen. Bi aukera izan zituzten Torinoko jokalari ohiak eta Williamsek baina Cardenas atezainarekin topo egin zuten. Gola susmatzen zen, eta 58. minutuan iritsi zen, nola ez geldikako jokaldian. Korner bat atera zuen Munianek eta Iñigo Martinezek sareetara bidali zuen lepo biraketa bikain batez.

Athletic garaipenetik gertuago zegoela ematen zuen, baina ez zuen aukera handirik izan. Levantek berea aprobetxatu zuen eta abantaila morala eraman zuen bere etxera. Martxoaren 4an Valentzian jokatuko da itzulekoa, eta gogorra izango da zalantzarik gabe. Bertan ikusiko dugu nor doan Kopako finalera.