Villarreal CF VS Athletic Club 2022-4-9 | Athletic Clubeko Webgune Ofiziala
31. Jardunaldia

Villarreal CF1 : 1Athletic Club

A. Pedraza60'
Raúl García43'
Bertaratzea16.603
Laburpen bideoa
Estadioa
Estadio de la Cerámica
Herria
Vila-real
Data
09/04/2022
Ordua
18:30
Data eta ordua
2022-4-9 - 18:30

Athleticek bere aukerak indartu ditu La Ceramican

Taldeak berdinketa lortu du Vilarrealen aurka garaipena merezitako partidan, eta Aurierren penalti argia eskatu zen

2022ko api. 9a

Athletic Clubek bana berdindu du La Ceramican Villarrealen aurka. Egia da Europan gehiago hazteko irabazi egin behar zela, baina berdinketak Emeryren taldea puntu bakarrera izaten segitzeko balio du, hori bai, bion arteko ‘goal average’ delakoa gure alde dago, eta hortaz, Europarako txartela eman dezakeen zazpigarren postua eskuratzeko urrats txikia da. Jokoaren azken orduko sentsazioak bikainak izan ziren.

Harmailetan zale zuri-gorri ugarik animatuta, lehoiak ez ziren eroso egon lehen zatiaren erdira arte. Estualdi handirik gabe, Villarreal hobeto zegoen. Vesgak min hartu zuen 26. minutuan, eta haren ordez Petxarroman zelairatu zen. Realeko jokalari ohiak pauso bat aurrera eman zuen. Sei minutu geroago, De Marcosek buruz aukera paregabea izan zuen Iñaki Williamsen erdiraketan, jokaldi kolektibo bikain baten ondorioz.

Lau minutu geroago, ekintza eztabaidatua eta agian neurketaren gakoa iritsiko zen. Muniainek jaurtiketa gurutzatu bat bilatu zuen eta Aurierrek oztopatu zuen ukondoarekin geldiaraziz. Estrada Fernandezek BELetik deitu zuen penaltia adierazteko, baina Del Cerrok, denen harridurarako, ez zuen aintzat hartu.
Petxak Iñaki Williamsi baloia bidali zion aukera argia sortzeko, eta BELek zuzendu behar izan zuen 0-1eko jokaldia balioztatzeko: De Marcosen atzetik hasitako jokaldi bikainean, Muniainek diagonalean erregatea egin zuen Asenjo zegoen lekuraino eta Raul Garcia atzetik iritsi zen gola sartzeko. Epaileak jokoz kanpo zegoela adierazi bazuen ere, azkenean zuzendu egin zen. 42. minutuan izan zen.

Athletic eroso zegoenean eta bigarrenaren bila zebilenean, Pedrazaren 1-1ekoarekin kolpea heldu zen jokoaren ordua betetzean. Emeryk erasoko jokalariak zelairatu zituen, eta bitartean, Simonek geldialdi bikaina egin zion Danjumari. Athletic suspertu egin zen eta Asenjo estutu zuen Muniainen jaurtiketa batekin eta Nico Williamsen aukera argi batekin, baina azken honetan atezainaren hanketan geratu zen baloia. Gol aukerak ikusita partida irabazi egin behar zen, baina berdinketarekin konformatu beharko da. Taldeak sintoma oso onak eskaintzen jarraitzen du.