Sevilla FC - Athletic Club
Jardunaldia 8
Liga

Sevilla FC - Athletic Club

Sevilla FC
Sevilla FC
11
Athletic Club
Athletic Club
  • 4' Óliver T.
  • Vesga 73'

KokapenaRamón Sánchez-Pizjuán , Sevilla

36.502 pertsona

Athleticek bide onetik jarraitzen du Vesgaren gol eder bati esker

Lehoiek Sevilla sobera irabazteko jokatu zuten, baina puntu bakarrarekin konformatu behar izan zuten

Athletic Clubek bere joko eta emaitza onen bidetik jarraitzen du, eta 1969tik izan den Liga hasierarik onena sinatu du. Sanchez Pizjuanen bana berdindu du nabarmen gutxiago izan den Sevilla CFren aurka. Mikel Vesgaren ezkerkada itzelari esker, 73. minutuan, berdinketa lortu dute lehoiek. Hala ere, gehiago merezi izan dute gol aukerak aintzat hartuz gero. Bilbotarrek azken hamabi puntuetatik hamar eskuratu dituzte eta Champions postuetan jarraituko dute Atletico etxean hartu aurretik.

Hitzordu gorabeheratsua izan zen. 3. minutuan, Sevilla aurretik jarri zen markagailuan Montielek hegaletik egindako barneraldi batean, Oliver Torresek baloia sareetara bidalita. Sampaoliren taldeak bere zaleak erakartzen zituen eta gauza handirik egin gabe. Papu Gomezen eskutik beste bi aukera izan zituzten, baina hor zegoen Simon bikain bat aukera horiek bertan behera uzteko.

Athletic partidaren kontrola bereganatzen ari zen, eta Berenguerren aukera bat heldu zen, Dmitrovicek hatz-mamiekin desbideratu zuena. Nico Williamsek hegaletik gainezkatzen zuen eta BELek ez zuen Berenguerri egindako penalti bat adierazi.

Bigarren zatian, Athleticen nagusitasuna agertu zen, lehoiak markagailua iraultzera zeramatzala zirudien gol aukera-uholdea. De Marcosek baloi bikaina jarri zuen Muniainen buruan, Lekue agertu zen jaurtiketa batekin, gero Nico Williamsi baloi argia geratu zitzaion Berenguerren barneraldiaren ondoren… Vesgak ezkerkada bikain batez agertu behar izan zuen bigarren jardunaldiz jarraian gola sartzeko.

Sevilla erdi hilik zegoen eta Athletici azken kolpea ematea falta izan zitzaion aurkaria behera botatzeko. Raul eta Iñaki Williamsek, buruz, euren aukerak izan zituzten, eta berriz ere Raul, ezkerrez, gola sartzetik gertu egon zen. Azkenean, atzelari zurigorriak arazo batean sartu ziren luzapeneko jokaldi batean, eta Herrerak Lamela lurrera bota behar izan zuen ate hutsean gola sar ez zezan. Txartel gorria ikusi zuen, baina baita puntu bat salbatu ere.