Athletic Club - Cádiz CF

Athletic Clubek berriro irabazi du LaLigan, irmotasunez, Cadizi 4-1 irabazita. Oihan Sancet bikain aritu da, hiru gol sartu ditu eta beste golen bat egiteko aukera izan du. Lehoiek San Mames berotu dute berriro, eta zaleek kantuekin agurtu dute nafarra aldageletara joan denean. Yeray Alvarezek jarri du amaiera bikaina, Muniainen baloi gelditu bati burukada bat emanda. Primeran.

Partida arraroa izan da. Izan ere, Athleticek laster jo du Sanceten zartako batez eskuadrara bederatzigarren minutuan, baina Cadiz ere saiatu da Bongonda eta Escalanteren bidez. Hala ere, neurketako lehen aukera argian Nico Williamsek Conan esku hartzera behartu du.
Hartu-eman bat izan da, kontrol handirik gabe, eta 24. minutuan Escalantek berdindu egin du Brianen jokaldi baten ondoren. Eskerrak lehoiek asmatu dutela hurrengoan, Berenguer eta Raulen ahalegin batean, Sancetek behetik sareetara bidaliz. 34. minutuan izan da hori, eta handik gutxira, Conanek ‘hat-trick’-a kendu dio lehoiari. Oihan, Cadizen jada Sergio Gonzalezen jokalariei min egin ziena, leku guztietan egon da.

Onena 43. minutuan iritsi da Muniainek falta zehatz bat atera eta Yerayk bigarren zutoinera buruz sartu duenean. Erdiko atzelariaren ospakizun handia izan da, gol gutxi sartzen ohitua baitago, eta gainera, denboraldi bikaina egiten ari da. Gol festa lasai bat izango zela segurua zen, nahiz eta Simonek Luis Hernandezen jaurtiketa ona atera duen 53. minutuan. Bat-batean, epaileak bigarren txartel horia atera dio Yuriri (lehenengoa ez da hala iruditu), eta Athleticek taldekatuago jokatu behar izan du.

Egia esan, ez du estuasun handirik izan, Sobrinoren jaurtiketa bat zutoinera izan ezik 4-1eko emaitzarekin, jada Oihan gabe zelaian, bere gau handia kontraeraso batean lehoien laugarrena ezkerkada batez sartu ondoren. Minutu gutxiago izan dituzten jokalariak zelairatu dira, Capa eta Morcillo kasu. Gau ahaztezina izan da Sancetentzat, bere bigarren ‘hat-trick’-arekin Iruñean lortutakoaren atzetik, dagoeneko Ligan zazpi sartu ditu bere marka gaindituz, eta Athletic, berriz ere Europako trenari lotu nahian. Alex Txikon ere ez da ahaztuko, ohorezko sakea egin eta ia gola sartu baitu lehoiek hiru egin dituzten atean. Asteburu zoriontsua eta Mestallara joatea berriro egokitu zaigu, oroitzapen atseginekoa.