RCD Mallorca - Athletic Club

Athletic Club geldialdira doa azken hiru neurketetan bi garaipen eta berdinketa bat lortuta, Mallorcan jokatutako partidan golik gabe amaitu ondoren, aukera onenak izan arren. Anbizioz jokatu du talde txukun eta harritsu baten aurka, aurreikusita zegoenez.

Lehoiak une oro saiatu dira partida kontrolpean izaten, eta batez ere lehen zatian izan dituzte gol aukerarik argienak. Izan ere, Sancet eta Nico Williamsen bi jaurtiketa gurutzatuak ez dira zentimetro batzuengatik ate barrura sartu. Borroka handiko neurketa izan da, eta zailagoa izan da jokatzea haizearekin.

Atsedenaldiaren ostean, hasierako sustoa agertu da, Mallorcari jokoz kanpo egoteagatik baliorik gabe utzitako golarekin, eta geroago, Vivianek Muriqiren jaurtiketa arriskutsua desbideratu duenean.

Pixkanaka, Muniain zelairatuta, Athleticek berriro agindu du eta hiru puntuak eskuratzeko aukerak izan ditu Ikerrek ezkerrez eta buruz izandako bi jokalditan.