Athletic Club - CA Osasuna

Athletic Clubek 1 Osasunak 0

Athletic Clubek Ligako bigarren garaipena, ongi merezita, eskuratu du Osasuna 1-0 irabaziz Adurizek lehen zatian lortu duen golari esker. Zurigorriek arerioak baino aukera gehiago egin dute, baina Andres Fernandezen lana ona izan da oso abaguneak ekiditeko orduan. Aldiz, nafarrek hiru aldiz baloia zuraren kontra bidali dute, behin ia nahi gabe eta beste biak falta jaurtiketetan.

Alde positiboan, garaipenaz gain, hirugarren partida golik jaso gabe Ligan, Muniainen ehungarren partida erregulartasunaren lehiaketan eta Aurtenetxeren itzulera lesioaren ondotik. Aitzitik, Gurpegiren bosgarren txartel horia eta Castilloren lesioa.

Orain Ligak etenaldia izango du urriaren 20ra arte eta Valentzian gorantz begiratzeko aukera berri bat egongo da. Bitartean garaipena ongi etorria izan dadila.