UD Las Palmas - Athletic Club

UD Las Palmasek 0 Athletic Clubek 0

UD Las Palmasek eta Athletic Clubek husna berdindu dute Gran Canaria Estadioan Ligako azkenaurreko partidan. Emaitza honekin zurigorriak seigarren postura jaitsi dira eta horixe izan daiteke denboraldia amaierako tokirik baxuena.

Bosgarrena izateko aukerak honako hauek dira, Sevilla FC taldearen aurka San Mamesen jokatuko den azken jardunaldian: Real Club Celtak lortzen duena baino zerbait gehiago eskuratzea, hau da, Celtak galduz gero berdinketa mahikoa litzateke; Celtak berdinduz gero garaipena beharko litzateke eta Celtak irabaziko balu seigarren tokian amaituko genuke.

Gaurko lehiari dagokionez, lehen zatian norgehiagoka orekaturik egon da, eta aukera apurrak zurigorriak izan dira. Bigarrenean gure taldearen nagusitasuna nabariagoa izan da, baina aukerarik garbiena, Eneko Bovedaren gola, baliogabetu du epaileak, jokoz kanpo ez zegoen arren.

Beraz, azken partida falta zaigu Superkoparen tituluaren denboraldiari agur esateko; Sevilla FCren aurka izango da neurketa hau datorren maiatzaren 14an, larunbatean, iluntzeko 19:30etan, San Mamesen.